Congregatio de Causis Sanctorum 561

voluntatem divinam, cui omni animi firmitate fidelis permansit. Humilitatis

atque officii spiritu, Serva Dei pro obtrectatoribus suis orabat et omnibus

invigilabat adiunctis, ut caritatem desideriumque suum omnibus benefa-

ciendi ostenderet.

Die 1 mensis Maii anno 1898, sub praesidio Beatae Mariae Virginis Matris

Pulchri Amoris, Soror Seraphina, octo sociae eius et quinque novitiae pro-

fessae sunt Regulam Sanctae Clarae Assisiensis in manibus Episcopi Britti-

norensis. A die illa initium capiebant Clarissae Sancti Francisci Missionariae a

Sanctissimo Sacramento, quae in Ecclesia, Sancta Clara duce, munus exerce-

rent ipsius Sanctissimae Virginis missionis persequendae, scilicet ut vita ac

operibus Iesum eucharisticum praedicarent et mundo Christum communica-

rent ubique terrarum orbis nomen eius conclamantes, usque ad remotissimas

gentes, apud quas omnes se conferre recusabant.

Iamiam viribus infracta corpore, sed spiritu corroborata, Serva Dei,

pietate suipsius filiarum circumfusa, mane die 17 mensis Iunii anno 1917 in

Abbatia Brittinorensi pie in Domino quievit.

Hanc ob celebratam Servae Dei sanctitatis famam a die 1 mensis Maii anno

1968 ad diem 23 mensis Augusti anno 1970 apud Curiam Brittinoriensem

Beatificationis et Canonizationis Causa inita est per celebrationem Processus

Ordinarii, cuius auctoritas et vis iuridica a Congregatione de Causis Sanctorum

decreto diei 23 mensis Iunii anno 1995 probatae sunt. Positione confecta, die 24

mensis Februarii anno 1998, iuxta consuetudinem, in Congressu

Consultorum Historicorum et die 15 mensis Iunii anno 2007 in Congressu

Peculiari Consultorum Theologorum prospero cum exitu disceptatum est an

Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 28 mensis Octo-

bris anno 2008, audita relatione Excellentissimi Domini Petri Iacobi De

Nicolò, Archiepiscopi titularis Martanaënsis, Causae Ponentis, professi sunt

Servam Dei Mariam Claram Seraphinam a Iesu (in saeculo: Franciscam)

Farolfi virtutes theologales, cardinales iisque adnexas in modum heroum

coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Mariae