Acta Apostolicae Sedis - Commentarium Officiale562

Clarae Seraphinae (in saeculo: Franciscae) Farolfi, fundatricis Sororum Cla-

rissarum Franciscalium Missionariarum a Sanctissimo Sacramento, in casu

et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

MEDIOLANEN.

Beatificationis et Canonizationis Servae Dei Henricae Alfieri (in saeculo: Mariae

Angelae), Sororis professae Congregationis Sororum a Caritate Sanctae Ioannae

Antidae Thouret (1891-1951)

DECRETUM SUPER VIRTUTIBUS

«Venite, benedicti Patris mei; possidete paratum vobis regnum a constitutione

mundi: in carcere eram et venistis ad me » (cf. Mt 25, 34.36).

Nuntium hoc Evangelii singulari vigore vitae ac spiritualitati Venerabilis

Servae Dei Henricae Alfieri personat, cuius indolis secretum, quod animum

cuiuscumque ei obveniret percutiebat, oblationi cordis omnino Deo consecra-

ti inest.

Serva Dei, prima ex quattuor filiis, Burgi Vercellarum die 23 mensis

Februarii anno 1891 nata est. Ad fontem baptismalem ducta, nomen sumpsit

Mariae Angelae. Pueritiam degit profunda institutione christiana suffultam

et scholam primariam frequentavit, usque ad adulescentiam domestica offi-

cia laboribus ruris alternans ac praesertim arte sutoria eximie praecellens.

Super suavitatem naturae fortitudine haud destitutam profunda insevit

intellegentia fidei, cuius signa vocatione ad vitam religiosam enituerunt.

Nam, dum vicesimum primum aetatis annum agebat, die 20 mensis Decem-