41. De sancta Anna.

1 a. Verbum bonum muntiatur
Annae tristi, quam solatur
Angelus, ut huic profatur
De conceptu filiae;

1b. Per quod verbum hilaratur,
Sterilis mox fecundatur,
Absque naevo impraegnatur,
Parit matrem gratiae.

2 a. Ave, veri Salomonis

Matris mater, quae coronis
Miris fulges, altis thronis
In caelesti patria.

2 b. Ave, prolem genuisti,

Per quam mundo luxit tristi
Verus sol, quo dispandisti
Caeli nobis atria.

3a. Ave, sponsae verbi grata
Mater, Anna, David nata,
In solamen mundo data,
Nostrorum refugium.

3 b. Supplicamus, nos solare
Tristes et reos dignare
Deo gratos praesentare
Ad perpes tripudium.