43. De sancta Anna.

la. Ad caeleste proemium
Suspiret cor fidelium
Cum affectu nimio ;

1 b. Theotheeae honesta

Chnsti chorus psallat festa
Cum pudoris lilio.

2 a. Vas odoris
Et pudoris
Praesidium
Fidelium

Salutem obtinuit.

2 b. Haec claruit
Et placuit,
Dividebat,
Offerebat,

Caritatem tenuit.

3 a. Decus ergo regium,
Virtutum collegium
Tulit dignum,

3 b. Fructum, in quo residet
Dominus, qui providet
Hoc benignum.

4 a. Mater matris Christi,

Praesens sis mundo tristi,
Anna, tu fuisti
Benedicta ;

4 b. Es mater sapiens,
Lumen indeficiens
Solem et pariens,
Anna dicta.

5 a. Imbuta gratiae,
Tu, mater Mariae,

Purifica corda fidelium,

5 b. Concedens beata

Cunctis, Anna grata,

Gaudia supernorum civium.

6 a. Anna, sancta, sublevata
Caelo iam fulges beata,
Esto nobis via grata
Ad caeli palatia.

6 b. Anna, parens matris Dei,
Fac nos dignos faciei
Christi, placeamus ei
In caelesti patria.