Congregatio de Causis Sanctorum 565

tum et laicorum cuiusvis ordinis multitudo interfuit, quae clarum testimo-

nium praebuit extraordinariae eius famae.

Hanc ob celebratam Servae Dei sanctitatis famam, quae iam tempore

vitae in mundo effulserat ac post mortem increvit, a die 30 mensis Ianuarii

anno 1995 ad diem 20 mensis Aprilis anno 1996 apud Curiam Mediolanensem

Beatificationis et Canonizationis Causa inita est per celebrationem Inquisi-

tionis dioecesanae, cuius auctoritas et vis iuridica a Congregatione de Causis

Sanctorum decreto diei 13 mensis Decembris anno 1996 probatae sunt.

Positione confecta, die 6 mensis Martii anno 2008, iuxta consuetudinem, in

Congressu Peculiari Consultorum Theologorum prospero cum exitu, discep-

tatum est an Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 17 mensis No-

vembris anno 2009, audita relatione Excellentissimi Domini Andreae Mariae

Erba, Episcopi emeriti Veliterni - Signini, Causae Ponentis, professi sunt Ser-

vam Dei Henricam (in saeculo: Mariam Angelam) Alfieri virtutes theologales,

cardinales iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Henricae

(in saeculo: Mariae Angelae) Alfieri, Sororis professae Congregationis Sororum

a Caritate Sanctae Ioannae Antidae Thouret, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis