44. De s. Antonino Placentino.

1. Omnes celebremus
martyris pia gaudia,

2 a. Cuius inclita tropaea
nobis fulgent,
patet et Christi gratia.

2 b. Mundus tenebras decutit
factis huius,
sic spernit et idolatras.

3 a. Sanguine proprio
postes nostros
consecrasti
temet donando hostiam.

3 b. Horrida saeculi
temptamenta
tu sprevisti,
dulcia simul pocula.

4 a. Plangit hostis

noster antiquus, ululat

pallidus

reddens animas.

4 b. Fundit preces

Antoninus, conteritur
et laqueus,
tremunt tartara.

.5 a. Psallit in hac die
ecclesia Antonini
miracula ;

5 b. Angelorum turba

maxima praedicat huius
certamina.

6a. Militia
laudanda,

divinitus assumpta,
immutando opera
mutat merita.

6 b. Commercia
humana

formantur in divina,
deponendo talia
mundi spicula.

7 a. Armigerum enim
suum Deus facit
Antoninum ;
Christi fert vexilla,

7 b. In quibus fiderat
invicta phalanx et
sanctissima
armans cruce signa.

.8 a. Aganensia
martyria
nostra sint precamina,

8 b. Quae iacula
contraria
tollant et mortifera.

9. Sit hoc Christi laus aeterna;
Amen dicant omnia.