44. De sancto IIdefonso.

In 1. Vesperis.

Super Psalmos.

A. Duplicator commissorum,

Ildefonse, talentorum,

Te laudantem rege chorum.

Ad Magnificat.

A. O decus antistitum,

Honor sacerdotum,

TIdefonse, debitum

Cleri tui votum

Praesenta Deo homini,

Cujus tu matri virgini

Vera das testimonia

Et impetrata venia

Ex gratia

Fac nos certos gloria.

Ad Matutinum.

Invitatorium.

IIdefensi confessoris

Sectantes vestigia

Christum cordis, vocis, oris

Laudemus melodia.

In 1. Nocturno.

Antiphonae.

1. Hispalensi sedi

Maximus Isidorus

Praeerat, qui erat

Moribus omnique

Scientia decorus.

2. Huic dilecto praeelecto

Tenerum

Doctor mittit et committit

Puerum.

3. Vir electus circumspectus

Missum gaudens et applaudens

Suscipit

Et hunc boni instar doni

Recipit.

Responsoria.

1. O miranda dignatio

Supremae providentiae,

Quae Toleti praesidio

Tantum das diligentiae

Alumnum huic divinitus

Dans et fovens sollicitus,

Ut morum et scientiae

Praelatio

Hunc tanto sacerdotio

Dignum ostendat penitus.

V. Tu Ilefonso parvulo

Providisti Isidorum,

Qui illum de discipulo

Doctorem fecit decorum

Scientia, facundia

Per sanctos monitus.

2. Integer a puero

Adolescens factus,

Ut in aevo tenero

Carnis sprevit actus,

Et jam summam nactus

Moram et scientiae,

Sic obedientiae

Patris est subactus,

Ut minorum numero

Pareret ad actus.

V. Mundus huic immundus

De se nil impressit,

Corde, carne mundus

Coaevos excessit

Munditia, prudentia

Innixusque gratiae.

3. Jam illustris Isidori

Summa peritia

Mente pensabat memori,

Quod diligentia

Discipuli tam seduli

Profecerit et statum

Attigerit beatum ;

Placet ergo sententia,

Quod instans Christi foenori

Refulgeat in propria

Ut in aeterna patria.

V. Dum potuit, latuit

Sacculis,

At condiscipulis

Patuit

Effervens gratia.

In 2. Nocturno.

Antiphonae.

1. Urbs imperialis,

Prolis parens talis,

Gaude, plaude,

Quem misisti disciturum,

Nunc admitte te recturum.

2. Alumno remeanti

Praesul Eugenius

Cum clero exsultanti

Occurrit obvius.

3. Clerus, cives,

Pauper, dives

Toleti

Hinc exsultant

Hinc resultant

Laeti.

Responsoria.

1. Succedente jam juventa

Sacrae adolescentiae

Consuetudo retenta

Piae Visericordiac,

Quotidie

Operibus invigilat,

Vota carnis annihilat,

Jejuniis, vigiliis

Et orationibus

Insudando.

V. Laudes humanas respuit,

Soli Deo attribuit,

Quod cogitat, quod actitat,

Obsecrando.

2, Lucerna, quae sub modio

Diu latuerat,

Jam erumpente radio

Late se reserat;

Praesul sanctum considerat

Sacroque diaconio,

Quamquam invitum, onerat

Et honorat.

V. Hunc laboris, hunc honoris

Fortem consortem

Eligit. diligit

Et implorat.

3. O stupenda perfectio,

In aetate tam tenera

Omnis mundi blanditio

Ildefonso fit aspera

Et contra mundi prospera

Tanta surgit suspicio,

Quod mundanorum taedio

Huic vita placet altera.

V. Spreta mundi gloria

Ad sanctorum monachorum

Se transfert collegia.

In 3. Nocturno.

Antiphonae.

1. In ipso jam initio

Claro virtutum radio

Toti fulsit coenobio.

2. Cunctis momentis proficit

Juvenis nec extollitur,

Et dum se parvum efficit,

In abbatem praeficitur.

3. Jam Toletum, jam patriam

Sancti fama repleverat,

Quid moror, jam Hispaniam

Et longe plus excesserat.

Responsoria.

1. Eugenio decedente

Vacat sedes tunc repente,

Pari mente

Clerus ac populus

Toleti sedulus

Ildefonsum arripiunt,

Metropoli praeficiunt

Hunc laeti.

V. Ildefonsus egregiae

Datur sponsus ecclesiae,

Nam cives urbis regiae

Vi freti.

2. En civitas

In monte posita,

En sanctitas

Viri praecognita

Longe patet ;

Huic vita inclita,

Gregi sollicita,

Exhibita officio

In tanto sacerdotio,

Ut poscit dignitas,

Nunquam latet.

V. In agendo praesulis

Stupenda miraculis,

Recolenda saeculis

Fama scatet.

3. Martyr eximia

Leocadia

De ventre tumuli

Prosilivit

Et sancto praesuli

Apparuit

Rege teste ac populo ;

Sed majori miraculo

Illa virgo virginum,

Salus hominum,

Visa fuit huic in ecclesia

Data veste nocte ut media.

V. Apparens huic humanitus

Vestem allatam coelitus

Huic obtulit

Et contulit

Lux luminum,

Dux agminum.

In Laudibus.

Antiphonae.

1. O celebs virginitas,

Integritas

Huic sancto praebuit,

Quod nulli meruit

Alii dignitas.

2. Redivivae martyris,

Quae huic prae populo

Apparuit, tenuit

Vestem et secuit

Regis ganipulo.

3. O fidei devotio,

Sectam sacrarum vestium

Partem cultrumque regium

Digne mandat sacrario.

4. Inde vox virginis

Hunc trans jus hominis

Verbis laudat in his:

5. Ildefonso adscribitur,

Quod mea domina,

Coeli regina,

Vita fruitur.

Ad Benedictus.

A. Ildefonse,

Sidus Hesperiae,

Digne sponse

Hujus ecclesiae,

Ad pium regem gloriae,

Filium piae Mariae,

Nostra defer suspiria

Et diva Maria,

Quae te in hac ecclesia

Coeli cohorte socia

Sacra ditavit infula,

Sit tecum nato sedula

Pro urbe hac et omnibus

Christum Deum colentibus.

Ad Tertiam.

R. Lux refulget hodierna

Praeclaris titulis,

lldefonsus ad superna

Fulgens miraculis

Digne progreditur,

Jam perfruitur

Aeterna gloria

In coeli curia

Cum senatu.

Gaude, urbs regia,

De tanti praesutis

Patronatu.

V. Toletum, debitis

Insiste cultibus ;

Hic tuo placitis

Ad Deum precibus

Stat pro statu.

In 2. Vesperis.

Ad Magnificat.

O rector poli curiae,

Qui sponsum dedisti

Et patronum ecclesiae

Ildefonsum isti,

Audi preces humilium

Et per inclita

Ejus merita

Da nobis te propitium.