45. In Inventione Ildefonsi.

In 1. Vesperis.
Super Psalmos.
A. Candida praefulgens

una est inventa Zamorae
Margarita decens

et pretiosa nimis,
Alfonsi corpus

pretiosum antistitis almi,
Cui felix virgo
coelica dona dedit.

Ad Magnificat.

A. O flos pontificum,

rosa candida, norma pudoris,
Gemma sacerdotum,

Christi gregis optime pastor,
Ecclesiae lumen,

doctrinae flumen abundans,
O pater, exaudi

servorum vota precantum.

Ad Matutinum.
Invitatorium.

Omnipotentem adoremus,

'' Dominum
Qui glorificavit sanctum''

suum Ilcfonsum.

In 1. Nocturno.

Antiphonae.

1. Hic Domini legem

servavit nocte dieque
Concilia et cathedras
confundens haereticorum.

2. Toleti ecclesia

princeps assumptus in alma,
Praedicat hic verbum,
fidei mandata salutis.

3. Agnoscant cuncti,

Dominus quod contulit orbi,
Mirandum gestis

Alfonsum, dogmate clarum.

Responsoria.

1. Hic est Alfonsus,

Toleti praesuliarcha,
Vestit quem sacro

tegmine virgo parens;
Haeresim Helvidii

spurcatam et Joviniani
Funditus a nostra

depulit Hesperia.
V. In partu Mariam,

post, ante fuisse pudicam
Atque genetricem

praedicat esse Dei.

2. Floret in Alfonso

candida vitus
Et morum gravitas,

docta juventus,
In cujus vultu

gemma pudoris,
Signa refulgebant

indolis almae.

V. Hic puer antiquos
praevenit annos,
A teneris ducens
facta virorum.

3. Felix Toletum,

meruit quae tollere alumnum
Tantum, quo Hesperiae

illustrantur sidere regna.
Praeclarum templum,

quo fluxit curia coeli
Soleque lucidius

mediaque in nocte refulsit.
V. Felices gnatum

talem genuere parentes,
Quem Domini virgo

super omnes mater amavit.

In 2. Nocturno.
Antiphonae.

1. Ingresso in templum
cultura festa Mariae
Occurrit virgo
turmis stipata polorum.
2. Virginis in laudem

componens ipse libellos,
Ejus munditiam

foedantes conterit hostes.

3. Quae tenet in coelis

solium regina supernum,
In terras veniens

Alfonsum veste decorat.

Responsoria.

1. Pangat Alfonsi

modulos patroni
Artubus sacris

locuples Zamora,
Cujus in festo

tumuli ad sacellum
Turba cum pompis

veniat colendum ;
V. Laude patronum

resonet Zamora,
Quo nitet supra

populos Hiberas.

2. Rumpuntur coeli,

descendit virgo decora,
Coclurum princeps

principis atque parens,
Coeligenae proceres

dextra laevaque ponuntur,
Fulgentes nymphae,

maxima turba poli
V. Venit, ut Alfonsum

sacrata veste perornet,
Qua obsequium virgo

virgini ut ipse daret.

3. O venerande

magne sacerdos,
O bone pastor,

optime praesul,
Alme Toleti

praesuliareha
Atque Zamorae

summe patrono,
Vota precantum

suscipe clemens.
V. Poscimus, ora

munere Christum,
Crimina pellens

pncumata donet.

In 3. Nocturno.
Antiphonae.

1. Possidet aethereos

montes habitacula sancta,
Hic pius et prudens,
justus, sine labe pudicus.
2. Contulit huic Dominus
pretiosas ferre corollas
Praesulis in mundo

sanctique in sede superna.
3. E tumulo surgens

hominum Leocadia vitam
Nuntiat in terris
Alfonsi vivere vita.

Responsoria.

1. Aetas crescebat,

simul et sapientia, virtus,

Praemia virtutum

merito augebantur honores ;
Alfonsus primum

juvenis fuit archilcvita,
Ensis in offensis

erat abbas Agaliensis.
V. Moribus et vita,

vir claro dogmate fulgens,
Pontificum princeps

Toleti in sede locatur.
2. Alfonsi ad tumulum

mira videntur,
Lucida dantur

lumina caccis,
Mutorum linguas

verba resolvunt,
Celeri gressu

claudus abivit,
V. Spiritus immundus

corpora linquit,
Morbida capiunt

cuncta salutem.
3. O splendor mundi,

sidus super astra refulgens,
O sacer antistes,

sacrae genitricis amator,
Tu decus Hesperiae,

tu malleus haereticorum,
Nobilitatis honor,

fidei sanctissime cultor ;
V. Alfonse o clemens,

pro nobis, quaesumus, ora
Christum, quo ad celsas

valeamus scandere sedes.

In Laudibus.
Antiphonae.

1. Ecclesia exsultans

moduletur cantica laudum
Praesulis Alfonsi
celebrando festa patroni.
2. Alfonsum genuit

Stephanus, vir nobilis, altum
Ex se dans fontem,
quo Hispania cuncta rigatur.

8. Lucia luciferum

radiantem parturit orbi,
Sidere quo claro
gens Toletana corruscat.

4. Eugenius praesul

pueriles imbuit annos,
Cui juveni excellens
Isidorus dogma propinat.

5. Coelestem cupiens

Alfonsus ducere vitam,
Angelus in carnem
vixit sine carne pudicus.

Ad Benedictus.

A. Sit benedicta dies,

qua Alfonsus carcere misso
Corporeae molis
paradisi ascendit amoena;

O jucunda dies,

qua gaudens curia coeli
Alfonso occurrens

sacrata in sede locavit.

In 2. Vesperis.
Ad Magnificat.

A. Plaude, Zamora, tuo

tanto decorata patrono,
Felix quae Alfousi

candida membra tenes ;
Saltat ubi claudus,

congaudet lumine caecus,
Ore suo mutus

pandere verba potest.
Ad te gaudentes

concurrunt undique turbae
Sanaque reducunt

morbida, si quae gerunt.