Congregatio de Causis Sanctorum 567

extollere erga Ecclesiam ex parte eorum qui prius indifferentes vel immo

hostiles sese gesserant.

Hi eximii huius Nuntii exitus induxerunt Pium XI ut eum Romam

arcesseret, die 16 mensis Decembris anno 1929 Cardinalem constitueret et

die 7 mensis Ianuarii anno 1930 suum nominaret Secretarium Status. Quod

officium Servus Dei exsecutus est usque ad obitum Pii XI, qui evenit die 10

mensis Februarii anno 1939, postquam efficax fideleque praestiterat illi

servitium inter difficiliores periodos recentis historiae Ecclesiae.

Brevissimo volvente Conclavi, electus est Summus Pontifex, assumens

nomen Pii XII die 2 mensis Martii anno 1939; statim maximopere nisus est

ut alterius belli mundialis initium vitaret; hi tamen conatus frustra verte-

runt, sicut etiam nisus ut Italia longe a bello maneret.

Hac immani perdurante conflagratione, victimarum dolores pro viribus

sublevare contendit; instituit Officium Vaticanum de Notitiis ferendis, ad

dispersos quaerendos inter milites ceterosque cives, nec non Pontificiam Ope-

ram Assistentiae ad subveniendum illis qui fame et vita extremae paupertatis

affligebantur; saepe admonuit bellum gerentes ut incolas cives servarent,

et, futuro prospiciens tempori, notissimos habuit sermones radiophonicos,

quibus nota reddidit principia quae attinebant ad venturum ordinem inter-

nationalem iustitia nisum, veluti praeviam condicionem ad pacificum con-

victum tutandum inter nationes atque reverentiam hominibus praestandam,

quae necessaria sunt ad internum instituendum ordinem uniuscuiusque

status.

Etiam memoratu digna sunt ea quae Pius XII fecit pro Hebraeis, qui a

nationalibus socialistis insectabantur. Ipse bene noverat iteratas et flagrantes

oppugnationes publicas, quae ne quidem vitam unius Hebraei servavissent,

secus enim, contulissent ad acuendam et augendam persecutionem, et hac de

causa impedivissent illam absconditam et silentem operam auxiliatricem, per

quam ille vitas milium hominum stirpis Hebraeae in tuto collocare potuit.

Nec est obliviscendum quanta pro omnibus Pius XII fecerit, praesertim

germanica urbis Romae grassante obsidione, quamobrem iure meritoque

honorifice « defensor civitatis » appellari meruit.

Altero bello mundiali composito, Pius XII pleramque suae activitatis

partem insumpsit in sustentandis catholicis, quibus magis in dies crescentes

adversabantur hostilitas et oppressio apud nationes communistas Europae

orientalis, nec non in vitanda diffusione marxismi athei apud mundum