Congregatio pro Doctrina Fidei 415

maioribus nostris sacrum erat, nobis manet sacrum et grande, et non licet ut

repente omnino vetitum sit, neque ut plane noxium iudicetur ».2

8. Litterae Apostolicae Summorum Pontificum eminenter exprimunt

Magisterium Romani Pontificis eiusque munus regendi atque Sacram Litur-

giam ordinandi,3 ipsiusque sollicitudinem utpote Christi Vicarii et Ecclesiae

Universae Pastoris.4 Ipsae Litterae intendunt:

a) Liturgiam Romanam in Antiquiore Usu, prout pretiosum thesaurum

servandum, omnibus largiri fidelibus;

b) Usum eiusdem Liturgiae iis re vera certum facere, qui id petunt,

considerando ipsum Usum Liturgiae Romanae anno 1962 vigentem esse

facultatem ad bonum fidelium datam, ac proinde in favorem fidelium

benigne esse interpretandam, quibus praecipue destinatur;

c) Reconciliationi in sinu Ecclesiae favere.

II. Munera Pontificiae Commissionis Ecclesia Dei

9. Summus Pontifex Pontificiae Commissioni Ecclesia Dei potestatem

ordinariam vicariam dignatus est impertire in omnibus rebus intra eius

competentiae fines, praesertim circa sedulam observantiam et vigilantiam

ad exsequendas dispositiones in Litteris Apostolicis Summorum Pontificum

contentas.5

10. § 1. Praeter facultates olim a Ioanne Paulo II concessas necnon a

Benedicto XVI confirmatas,6 Pontificia Commissio huiusmodi potestatem

exercet etiam in decernendo de recursibus ei legitime commissis, prout hie-

rarchicus Superior, adversus actum administrativum singularem a quolibet

Ordinario emissum, qui Litteris Apostolicis videatur contrarius.

§ 2. Decreta quae Pontificia Commissio de recursibus emanat, apud

Supremum Tribunal Signaturae Apostolicae oppugnari possunt ad normam

iuris.

2 Benedictus XVI,, Epistula ad Episcopos ad producendas Litteras Apostolicas Motu Proprio

datas, de Usu Liturgiae Romanae Instaurationi anni 1970 praecedentis, AAS 99 (2007) 798. 3 Cfr. CIC, can. 838 § 1 et § 2. 4 Cfr. CIC, can. 331. 5 Cfr. art. 12. 6 Cfr. Litterae Apostolicae Summorum Pontificum, art.11 et art. 12.