Congregatio de Causis Sanctorum 421

CONGREGATIO DE CAUSIS SANCTORUM

NOVAE URBIS seu LABACEN.

Beatificationis seu Declarationis Martyrii Servi Dei Aloisii Grozde, Christifidelis

Laici ({ 1943)

DECRETUM SUPER MARTYRIO

« Spe gaudentes, in tribulatione patientes, orationi instantes, necessitati-

bus sanctorum communicantes » (Rom 12, 12-13).

Hac Beati Pauli Apostoli adhortatione ostenditur vita Aloisii Grozde, Dei

Servi, qui verum ac fidele testimonium de Christo perhibuit usque in finem,

quique non solummodo vitae devotionem accipere, sed etiam sese, dum

Regnum Dei triumpharet, ad eandem promptissimum facere valuit.

Aloisius, die 27 mensis Martii, anno 1923, in pago, quem vulgo Gorenje

Vodale appellant, prope Labacum, in Slovenia, natus, pauperibus colonis,

laboribus agrique culturae studentibus, in pueritia usus est. Mater enim,

cum saepe cogeretur mercennario opere victum quaeritare, parvuli curam

avis delegare solebat, qui benevoli ac solliciti eum custodierunt. Quibus dif-

ficultatibus contemptis, Aloisius tamen summa religione, maxima tum in

Deum tum in proximum caritate, firmo denique patriae amore institutus

est. Modestus ac verecundus puer fuit, qui ceterum se cum prae primis ad

omnia promptum, tum pertinacem exhiberet. Cum autem tertium decimum

annum ageret, Labacum, ut Eucharistico ex universa natione Conventui

adesset, ductus, talia expertus est adeoque commotus est puer, ut in reliquum

tempus summa Eucharistiam pietate prosequeretur.

Deinde vero, anno 1935, admissus est Aloisius in Episcopale collegium,

quod in oppido vulgo Marijanišče; ibique tum ob egregiam liberalitatem, ad

condiscipulos iuvandos adhibitam, tum ob singularem pietatem ac sensum

inter omnes eminuit. Quibus vertentibus annis, dum instituebatur, nomen in

Marialem Congregationem professus, Immaculatae Deiparae se devovit;

praeterea in Catholicae Actionis sodalitate versari coepit, sicque, ut Regno

Dei per reliquam aetatem omnibus viribus deserviret, consilium in animo

agitavit. Namque ipse non solummodo ut adulescentes ad Christum adduce-