48. De sancto Justo.

In 1. Vesperis.

R. O Vicenses iucolae,

Nolite timere

Nec adversis quibusque

Corde formidare,

Vobis datus enim est

Justus in custodem,

V. Merito laetamini

Deo gratias dicentes.

Ad Magnificat.

A. Justus autem

'' quasi leo confidens,

absque terrore erit,

Novit enim

causam pauperum,

Ideo laudabitur

atque gaudebit.''

Ad Matutinum.

Invitatorium.

Juvenes et virgines,

Senes cum junioribus,

Venite, adoremus

Regem sacri confessoris.

In Nocturno.

Antiphonae.

1. Pie Juste, prece pia

pium nobis inclina

Regem regum conditorem

pietate solita.

2. Prudens alme, nostrum salve

dignare admittere,

Et tu civis civitati

festina succurrere.

3. Humilis in summo corde

atque mitis anima,

Juva aulam, in qua tua

ossa latent arida.

Responsoria.

1. Felix locus,

sed felicior populus,

Quibus nitet

sidus aureum,

Gemma splendet

confessorum,

Justus ille,

qui justitias dilexit.

V. Quis est hic, qui

fecit mirabilia,

et laudabimus eum.

2. Rex aeternus Justum viris

in excelsis posuit

Et angelorum socium

societati statuit,

V. Ac in terris collaudari

merito hunc voluit.

3. Ave, confessor noster, et iterum

tibi dicimus ave,

Refugium nostrum et custos

merito psallimus ave,

V. Recipe, quod tibi offerimus,

et nobis semper fave.

Verbeta.

Motu corporeo

tempus suave

Indicat nobis

Justus et grave,

Periculum sublevat,

idcirco jam prave

Opusque vile

linquentes et fave

Valebimus tunc dicere,

Juste, et cave,

Ne mala immineant,

ex quo prece psallimus Ave.

In Laudibus.

Antiphonae.

1. Justus super sidera

fulget per sacculorum sae-

cula.

2. Justi justitia

manet in aeternum et ultra.

3. Justo homini pacifico

reliquiae sunt in omni bono.

i. Justum omnis plebs

juste deprecabitur

Et desiderio suo

nunquam defraudabitur.

5. Juste, hoc vincens saeculum,

Tibi recolitur

Corona in praemium.

Ad Benedictus.

A. Juste judex, qui justos

omnes juste judicasti,

Nostri Justi precibus,

quem merito laudare est

justum,

Fac nos cum justis

justorum regno laetari.

In 2. Vesperis.

R. O Juste, qui corporis

Motu miro proprii

Ostendisti jam explosum

Luctum nostri remotum,

V. Fac, abinde ut noscamus

Idem patrocinium.

Ad Magnificat.

A. Justus ergo cum sis,

tua omnia juste disponis,

Fac nos idcirco

te recte laudare in cunctis.