Acta Apostolicae Sedis - Commentarium Officiale570

Temperantia et Fortitudine, iisque adnexis, in gradu heroico, Servi Dei Pii XII

(Eugenii Pacelli), Summi Pontificis, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

AQUEN.

Beatificationis et Canonizationis Ven. Servae Dei Clarae Badano, Christifidelis

Laicae (1971-1990)

DECRETUM SUPER MIRACULO

Venerabilis Dei Serva Clara Badano in oppido Sassello prope Savonam,

dioecesis Aquensis, ortum habuit die 29 mensis Octobris anno 1971, post-

quam parentes undecim per annos exspectaverant eam. Amanter erudita

est ad christianam fidem. Die quo primum accessit ad Sacrum Convivium

obtinuit librum Evangeliorum, qui ex omnibus pulcherrimum exstitit do-

num. Aiebat enim: « Quemadmodum alphabetum faciliter discere possum,

ita quoque Evangelium vivere potero ». Novem annos nata, participare coepit

Motum quem dicunt Focularinorum, quorum proposito omnino annuit, suos

quoque parentes paulatim attrahens. Cum septemdecim aetatis ageret annos,

lacerans dolor in tergo sinistro, post inquisitiones et chirurgias incassum

adhibitas, improviso detegere fecit osteosarcoma, quod initium illi exstitit

viae crucis per duos fere annos protrahendae. Etsi certior de diagnosi, Clara

non flevit nec ad rebellionem ducta est. Modus sese gerendi hisce constanter

inspiratus est verbis: « Iesu, ego quoque desidero quod tu desideras ». Quam-

vis acutissimas inter curationes versaretur, nullo umquam tempore subridere

destitit; quinimmo, omnes circumstantes participes reddebat eiusdem Amo-