49. De s. Antonio Eremita.

1 a. Pia voce praedicemus
Et devotis celebremus
Laudibus Antonium.

1 b. Dei sanctus exaltetur
Et in suis honoretur
Sanctis auctor omnium.

2 a. Hic contempsit mundiflorem,

Opes eius et honorem

Parens evangelio,

2 b. Et confugit ad desertum,
Ut non currat in incertum
In hoc vitae stadio.

3 a. Mira fuit eius vita,
Clarus fulsit eremita,
Sed mox hostis subdoli

3 b. Bella perfert, saepe concu-
titur
Gravi pugna, verum non
vincitur
Insultu diaboli.

4 a. Ictu crebro flagellatur
Et a saevis laceratur
Immane daemonibus;

4 b. Lux de caelo micuit
Et clara personuit
Dei vox de nubibus:

5 a. "Quia fortis in agone
Decertasti regione,
Omni nominaberis;

5 b. Te clamabit totus orbis,
Pro pellendis item morbis
Ignis invocaberis.

6 a. Id, Antoni, nunc impletum
Conspicamur et repletum
Mundum tuo nomine ;

6 b. Hoc implorat gens devota,
Tibi pia defert vota
Pro tuo munimine.

7 a. Nunc in forma speciosae
Mulieris, pretiosae

Nunc in massae specie.

7 b. Daemon struit illi fraudes ;
Sed qui tanta, vafer, audes,
Succumbis in acie.

8 a. Mille fraudes, mille doli
Sunt inanes, illi soli
Cedit orcus ingemens.

8 b. Militem hunc veteranum
Et robustam eius manum
Horret hostis infremens.

9 a. Non lorica corporali
Fultus inimico tali
Hic athleta restitit.

9 b. Aqua potus, terra lectus
Illi fuit, his protectus
Armis victor exstitit.

10 a. Herba fuit illi victus,

Palmae frondes et amictus,
Ac cum bestiis convictus
Intra solitudinem.

10 b. Precum assiduitate,
Operandi crebritate
Atque somni parcitate
Restrinxit libidinem.

11 a. Confutatis Arrianis

Et philosophis profanis
Paulum visit, nec inanis
Fit via nec irrita.

11b. Nam convenit hunc viven-
tem,
Inde sanctam eius mentem
Caelos vidit ascendentem
Carne terrae reddita.

12 a. O Antoni, cum beatis
Nunc in regno claritatis
Gloriaris, hic gravatis
Mole carnis pietatis
Tuae pande viscera ;

12 b. Ne nos rapiat tremendae
Morsgehennae, manum tende,
Nos a morbido defende
Igne nobis et impende
Gloriam post funera.