50. De s. Antonio Eremita.

1 a. Chorus noster promat voces
Et attolat Dei dotes
In Antonii laudibus,

1 b. Vita cuius et doctrina
Nobis patuit sentina,
Ut totis virtutibus

2 a. Carnis, mundi zabulique
Voto forti, toto corde
Spernamus fallacias,

2 b. Corde, animo ac mente
Linquentes zelo fervente
Corporis delicias.

3 a. Applicantes pro medela
Paupertatis insignia
Cordium affectibus,

3 b. Declinemus malitiam
Zelando simplicitatem
Cum iustitiae fructibus,

4 a. Fide iugi persistentes

Ad laevam nec declinantes
Dextrorsumve abeundo,

4 b. Sed in lege meditantes
Divina, fructum quaerentes
Spiritus, perseverando.

5 a. Ut sequentes vestigia
Nostri patroni gaudia
Eius devotis precibus

5 b. Mereamur caelestia
Per sancta exercitia
Cum electis omnibus.

6. Nos dicamus omnes Amen,
Ut det nobis sanctum flamen,
Qui regnat in caelestibus.