Acta Apostolicae Sedis - Commentarium Officiale572

agnovit haec Congregatio per Decretum editum die 13 mensis Decembris

anno 2006. Medicum Dicasterii Consilium in Sessione habita die 15 mensis

Ianuarii anno 2009 edixit sanationem celerem fuisse, perfectam, et constan-

tem, necnon sub hodiernis legibus medicis inexplicabilem. Die 20 mensis Maii

anno 2009 actus est Congressus Peculiaris Consultorum Theologorum, quo-

rum favens sententia die 15 mensis Decembris anno 2009 confirmata est a

Patribus Cardinalibus et Episcopis in Ordinaria Sessione congregatis, Ponen-

te Causae Exc.mo D.no Andrea Erba, Episcopo emerito Veliterno-Signino.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Venerabilis Servae Dei Clarae Badano, Iuvenis Laicae, videlicet de celeri, per-

fecta ac constanti sanatione iuvenis Andreae Bertole a «Grave stato di shock

settico sepsi meningococcica, sindrome di ARDS complicata da broncopolmonite

basale destra, sindrome DIC, insufficienza renale acuta, manifestazioni cutanee

petecchiali ed emorragiche con tendenza a confluire ematomi generalizzati e

sofferenza ipossiemica generalizzata, sofferenza del sistema nervoso centrale

diffusa ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris anno Domini 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis