51. De s. Antonio Patavino.

1 a. Ad honorem trinitatis
De triumpho tanti patris
Sonet vox in iubilo ;

1 b. Lumen vitae, verbum pacis
Omne signum sanctitatis
Fulget in Antonio.

2 a. Genuerunt hunc parentes
Nobiles Hispaniae,
Quos reliquit vilipendens
Ad plausum Aegyptiae.

2 b. Post Franciscum iam refulsit
Noviter in Padua
Infirmorum reparator
Sanans membra languida.

3 a. Pede nudo discurrebat
Et accinctus cordula,
Excitabat dormientes
Voce iungens opera.

3 b. Erat tangens verbum eius
Auditorum intima,
Cunctis loquens alta nimis,
Tangens spiritalia.

4 a. O Antoni, hos legalis,
Novae legis spiritalis
Triturans in area,

4 b. Plures aegros iam sanasti
Et vexatos liberasti;
Dicta probant opera.

5 a. Pater sancte, lux solaris,
Digna laude veneraris,
Qui tot signis novitatis
Decorasti Paduam.

5 b. Rogo patrem sanctitatis,
Ut nos mundet a peccatis
Et coniungat cum beatis
Ad caelestem gloriam.