51. De ss. Luciano et Marciano.

In 1. Vesperis.

Ad Magnificat.

A. O felix mulier,

per quam tanti viri conversi

Sunt Deo, quos dudum

atra texerat nubes erroris.

Ad Matutinum.

Invitatorum.

Adoremus Christum regem

In saeculorum saecula,

Qui Lucianum et Marciamum

Sua ditavit gloria.

In Nocturno.

Antiphonae.

1. Dum pravo perfusus

Lucianus esset errore

Et Marcianus,

arte carminum abutentes

Ad luxum mentes

hominum sitire cogebant.

2. Evenit a summo,

qui summe omnia gratis

Sua offert cunctis

et multis dat violenter,

Ut hi, qui Christi

hostes erant, illo subirent.

3. In famulam Christi

sua libidine moti

Cum turmis certant

daemonum, ut eam perver-

tat,

Sed asserunt daemones,

Christum certasse per illam.

Eesponsoria.

1. Unde exterriti,

paulo post in se reversi,

Christum confessi sunt

funditus daemonesque con-

fundunt

V. Atque pestiferos

libros coram plebe cre-

marunt.

2. Maledicunt idola

despicuntque cultores,

Hortantur plebem,

unum solum adorare

V. Deum, qui cuncta

plasmavit atque gubernat.

3. Gemmarum sertis

Lucianus et Marcianus

Devictis suppliciis

palma coronantur in coelis

Stantes ante thronum

deificae venustatis,

Aethereis juncti cuneis.

V. Congratulamini,

Vicenses, qui inter cives

Coelorum tantos

meruistis habere patronos.

Verbeta.

Vestrae incliti

precis oraculo,

Martyres Vici,

combusti Sabino,

Luciane civis

cum tuo socio,

Vestris succurrite,

Christo alpha et o

Precantes semper,

ne rugiens leo

Quempiam sauciet

hoc vitae salo,

Ut psallere valeat

Vicensis concio:

Honor, potestas

sit uni trino,

Nobis hos danti

patronos in polo,

Qui malis nos protegunt

regnantes aeterno.

In Laudibus.

Antiphonae.

1. Expansis manibus

in flamnis voce sonora

Exclamant sancti

Lucianus et Marcianus:

O pater alme Jesu,

tu suscipe spiritum nostrum.

2. Polique cum tota

turba e coelo descendens

Michael in choro

promentes carmine dulci

Spiritus amborum

coram altissimo gerunt.

3. Celsa sedens sede

summi Deus culmine coeli

Hos, ut veri milites

qui mortis bella vicerunt,

Corona ditavit

nimis ornata lapillis.

4. Aureis in sedibus

regis vestiti amictu

Ac manibus lauri

virgas pro sceptro tenentes

Christi cum militibus

in altis mire locantur.

5. Laudemus Dominum,

quem laudant martyres isti,

Ut in consortium

illorum jungi et ipsi

Precibus eorum

mereamur atque locari.