Congregatio de Causis Sanctorum 573

EPOREDIEN.

Beatificationis et Canonizationis Servae Dei Antoniae Mariae Verna, funda-

tricis Instituti Sororum Caritatis ab Immaculata Conceptione v. d. « d'Ivrea »

(1773-1838)

DECRETUM SUPER VIRTUTIBUS

«Hoc in opere peculiaria perspicio signa supernae Providentiae ».

Infinita fides in divina Providentia, quam humilis Serva Dei Antonia

Maria Verna vita et operibus professa est, his propheticis verbis ab ipsa ad

Episcopum Eporediensem relatis summopere personat.

Serva Dei in vico Paschario de Ripariolo Canavensi prope Eporediam in

regione Pedemontana die 12 mensis Iunii anno 1773 e rustica locupleti fami-

lia felicis condicionis solidisque christianis praeceptis informata nata est et

ipsa ortus die ad fontem baptismalem ducta per sacramentum regenerationis

Christo incorporata.

In tranquillitate familiaris vitae infantiam degit serenam: simplicis impi-

graeque fidei exemplo parentes dulcedinem orationis eam docuerunt et ad

actuosam vitae paroecialis navitatem direxerunt ac puella vero animum be-

nignum, ingenium vividum, indolem expeditam atque cor mite et misercors

mox pandit.

Iam inde a prima aetate Antonia Maria, quae amabiliter puerorum par-

vum agmen a matribus asperis agrorum operibus occupatis ipsi commissum

omni studio et curis respiciebat, puellarum institutioni aegrotorumque curis,

eo tantum ut omnes in Deum adverteret, sese statuit consecrari. Dum deci-

mum sextum aetatis annum agebat aetatis, votum virginitatis emisit, e quo

Congregationis religiosae fundandae iam trahere incepit afflatum.

Spiritu Sancto duce, alacritate fidei Serva Dei temporum signa legere

valuit, qui ea praesertim tempestate profundis humani cultus et coevae so-

cietatis mutationibus laborabantur, atque plurium aberrationum in defectu

institutionis ac patenti in ignorantia deprehendit causam. Paschario itaque

Ripariolum migravit, parvum iuvenum mulierum coetum sibi socians, quae

ipsius mentem ac proposita communicabant. Licet adultae iamiam aetatis,

Scholam a Iesu in vico Sancto Georgio Canavensi frequentare voluit, ut ad

missionem educationis sese compararet.

Anno 1806, licentiam « Recessum » pro Filiabus a Caritate sub tutela Im-

maculatae Conceptionis Beatissimae Mariae Virginis constituendi primitus