52. De sancta Margarita.

In 1. Vesperis.

Super Psalmos.

A. Ave, martyr Margarita,
Coeli sparsa lumine,

Christum sequens in hac vita,
Dum cruoris flumine

Te lavisti, tu nos ita
Illustratos lumine
In coelesti culmine,

Virgo, conduc et invita.

R. Sicut ovem inter lupos
Me stantem adspicio,
Sed cerno illos caducos

Divino judicio;
Sicut passer ab aucupe
Ligata sum ab impio,
V. Stringe illum cum forcipe
Ardendum in supplicio.

Ad Magnificat.

A. Exsurgamus et narremus

Margaritae victoriam
Atque genus, si valemus,

Feramus ad memoriam;
Orta fertur ex gentili

Patriarcha gentilium,
Pascit oves ex ovili

juxta morem humilium.

Ad Matutinum.
Invitatorium.

Omnes laudemus Dominum,
Qui elegit Margaritam
De post foetantes ovium,

Duccns hanc flore fulcitam
Intra coeli convivium.

In 1. Nocturno.

Antiphonae.

1. Martyr virgo generosa,
Statu fruens humili,
Inter spinas stat ut rosa,
Modo fragrans nobili.

2. Pulchra nimis et decora
Vultu cum amabili
Deum colit sine mora
Affectu mirabili.

3. Dum Christi jugum teneris
Puella portat humeris,
Viis se jungit superis
In fide stans prae ceteris.

Responsoria.

1. Jesu Christe mirabilis,

Peccator per te salvatur,
Quia cum sis placabilis,

A te nemo refutatur;
Cedat daemon horribilis,

Quo sanctus omnis tentatur ;
V. Non laedat me cum jaculis,

Sed a te longe pellatur,
Nam sum puella fragilis

Timens, ne mens polluatur.

2. Tunc praefatus Olybrius

Puellam sic alloquitur:
O si Deus Mercurius

A te in templo colitur,
Et corpus mihi dederis

Copulandum cum amore,
Pacem praestabo pueris,

Servos ditans cum honore;

V. Nam si jussa non feceris,

Morte dira morieris
Nec habere tu poteris,

A quo capta libereris.
3. Sermo quidem affabilis

Ita praefecto redditur:
Cum sit Christus amabilis,

A me semper diligitur,
Nam Saturnus damnabilis

Nunquam a sanctis colitur,
Sed sicut est horribilis,

Semper a me respuitur.
V. Mox suspensa in aere

Diversis virgis caeditur,
Ex ejus toto corpore

Statim sanguis egreditur.

In 2. Nocturno.
Antiplionae.

1. Ad puellam Margaritam
Praefectus adpropiat,
Videns hanc flore fulcitam
Mox eam desiderat.
2. Praefectus Olybrius

Hanc adduci praecipit
Et quasi vir ebrius
Ebullire incipit.

3. Sancta vero Margarita
Dum a servis capitur,
Spe divina praemunita
Minis non concutitur.

Responsoria.

1. Jam secundo traditur

Haec virgo ad flagellandum,
Sicut agna ducitur

Mansueta ad mactandum
Corpus laedunt carnifices

Margaritae virginis,
Virgas tenent duplices

De genere viminis ;
V. Nam judex Olybrius

Faciem texit vestibus,
Quia cruoris fluvius

In sanctae erat cntibus.

2. Post haec sancta recluditur
In tenebroso carcere,

Draco magnus egreditur
Ab ejus nigro latere ;

Hic deauratus creditur
In barba et in crinibus,

Fumus ignis progreditur
De lingua et de naribus.
V. Tunc draco os aperuit

Et sanctam mox absorbuit,
Illa orans recipitur,
In partes draco frangitur.

3. Ecce puella tenera

Iniquum vicit daemonem,
Nomen genus et opera

Beatam docent virginem.
O quam mira audacia

In hac regnabat virgine
Et virtutis potentia

Data sibi a numine.
V. Draco a sancta frangitur

In duas partes maximas,
Daemon ab ipsa cogitur

Culpas fateri plurimas.

In 3. Nocturno.
Antiplionae.

1. Omnes viri flent acriter

Propter dolorem virginis,
Turba miratur jugiter
Decus ejus imaginis.
2. Omnes clamant: convertere,
Pulchra puella regia,
Atque praefecto nubere,
Praepara te cum gloria.

3. Mali consiliarii,

Dixit Dei sanctissima,
Non mihi necessarii,
Agant acta nequissima.

Responsoria.

1. In die autem postera

Ante praefectum ducitur
Virgo ligata tenera.

Nec ejus mens affligitur,

Sed Dei septa dextera

Mox istis verbis utitur:
O praefecte, considera

Deum, qui a me colitur,
V. Si ejus agis opera,

A quo mundus redimitur,
Eris in Dei dextera,

Pro qua labens erigitur.

2. Nudatam suis vestibus

In alto hanc suspendite
Et cum multis lampadibus

Totum corpus comburite,
Vobis hoc facientibus,

Si mihi nubet, quaerite;
Si dicit non, ex fontibus

Multam aquam accipite,
V. Tunc intus illam omnibus

Membris ligatis mittite
Et ita modis omnibus,

Ut mihi nubat, pellite.

3. Margarita sancta Dei

Ignem, aquam patitur
Cruciatus magnae rei

In ea perficitur,
Ista lympha nutu Dei,

Ut ab ipsa quaeritur,
Baptismum sanctum fit ei,

Quo prima culpa pellitur.
V. Coronata virgo Dei

Ab aqua egreditur,
Et columba dicit ei:

Regnum tibi panditur.

In Laudibus.

Antiphonae.

1. Haec est digna memoria
Virgo plena prudentia,
Prece cujus in gloria
Locatur spernens vitia.

2. Nam Deus, cui servio

Mente semper cum fideli,
Est mihi in auxilio
Vicem reddens infideli.

3. Et pro istis suppliciis,
Quibus caro maceratur,
Sum illis digna gaudiis,
Quibus Deus honoratur.

4. Canis abominabilis,

Si caro tibi traditur,
Christus dat vera azyma,
Virtus cujus mirabilis,
Ad damnandum persequitur
Tuum corpus cum anima.

5. Jesum Christum mirabilem
Te oportet adorare
Et Saturnum horibilem
Tamquam monstrum refutare.

Ad Benedictus.

A. Res miranda nobis datur
Margaritae martyrio,

Ipsa Malchum deprecatur
Surgens ab oratorio,

Ut mox caput evellatur
A suo collo proprio.

Ad Horas Antiphonae.
Ad Primam.

Abscisso ejus capite

Orat Christum sanctissimum:
Istud, o Jesu inclite,

Dele peccatum maximum.

Ad Tertiam.

Benedicebant Dominum
Archangelorum agmina

Et superstant sanctissimum
Tuum corpus, o domina.

Ad Sextam.

Infirmus, claudus, debilis
Tangebat corpus martyris,

Uterque fit sanabilis
Exemplo dato posteris.

Ad Nonam.

Nam Deus, cui servio
Mente semper cum fideli,

Est mihi in auxilio
Vicem reddens infideli.

In 2. Vesperis.
Ad Magnificat.
A. Decantantes ad honorem
Margaritae martyris
Imploremus creatorem,
Ut suis parcat pueris.