Congregatio de Causis Sanctorum 575

Corpus eius, licet firmae valetudinis, tantis difficultatibus iam infractum

viribus, gradatim frangi incepit, ut, fere inopinato, die 25 mensis Decembris

anno 1838, dum campanae concinebant Missam in Nativitate Domini nun-

tiantes, Antonia Maria, fletu concivium suis circumfusa, qui innumeri exse-

quiis interfuerunt, testimonium praebentes ipsius sanctitatis, domum caeles-

tem Patris repeteret.

Hanc ob celebratam Servae Dei sanctitatis famam a die 6 mensis Aprilis

anno 1937 ad diem 20 mensis Martii anno 1939 apud Curiam Eporediensem

Beatificationis et Canonizationis Causa inita est per celebrationem Processus

Ordinarii. Cum de Causa antiqua ageretur, anno 1963 peculiaris Commissio

Historica constituta est ad utilia documenta perquirenda. Decretum validi-

tatis tandem die 10 Iulii anno 1992 editum est.

Positione confecta, die 20 mensis Februarii anno 2009, iuxta consuetudi-

nem, in Congressu Peculiari Consultorum Theologorum prospero cum exitu

disceptatum est an Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 17 mensis

Novembris anno 2009, audita relatione Excellentissimi Domini Marcelli

Semeraro, Episcopi Albanensis, Causae Ponentis, professi sunt Servam Dei

Antoniam Mariam Verna virtutes theologales, cardinales iisque adnexas in

modum heroum coluisse.

Facta demum de hisce omnibus rebus Summo Pontifici Benedicto XVI per

subscriptum Archiepiscopum Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Temperan-

tia et Fortitudine iisque adnexis in gradu heroico Servae Dei Antoniae Mariae

Verna, fundatricis Instituti Sororum a Caritate Immaculatae Conceptionis de

Eporedia seu vulgo dictarum « d'Ivrea », in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis