54. De s. Maria Aegyptiaca.

In 1. Vesperis.
Super Psalmos.
A. Gaudent omnes
cives angelici,
Gaudent devoti

et solitarii,
Quia surgendi

dat spem praesidii
Maria spretis vitiis.

Ad Magnificat,
A. Exemplar vitae. o Maria,
Norma poenitentiae,
Anachoritarum via,

Et cultrix munditiae,
Felix es et Deo grata,
Cui dimissa peccata,
Regnas nunc cum angelis.

Ad Matutinum.
Invitatorium.
Jubilemus Deo nostro,

Ut det nobis veniam,

Qui Mariam ab Aegypto

Transtulit in gloriam.

In 1. Nocturno.
Antiphonae.
1. Gaude, felix et beata,
Cui dimissa peccata,

Regnas nunc cum angelis.

2. Juva, mater, nos clamantes
Et pro culpis lamentantes,
Gementes a crimine.

3. Spem dans lapsis et contritis
Ab excessibus commissis
Possidendi gloriam.

Responsoria.

1. Poenitentiae rigorem,
Promptitudinis fervorem

Assumens viriliter,
Tribus panibus acceptis
Non desistit ab inceptis,
Eremum ingreditur,
V. Poenitentiam cum brutis
Et animalibus mutis
Peragens asperrimam.

2. Fortitudinem et timorem
Superans femineum
Cum ardorum tum fervorem

Sumis et virilium,
Audacter eremum intras,
Nec pavescis nec formidas.
V. Constanter sola pertransis,
Nec horrescis nec tremescis,
Prout solent feminae.

3. Austeralem vitam monstras,
Inimicum nostrum prostras
Tua poenitentia,

Vitamque sumens poenalem,
Asperum cibum brutalem,
Societatem feralem ;
V. Conversata es cum brutis
Munita signo salutis,
Non quaerens solatia.

In 2. Nocturno.
Antiphonae.

1. Vere felix et beata
In exemplum conversata
Excellis vitam hominum.

2. Famem, sitim et calores,
Angustias et terrores
Ferens et supplicia.
3. Pusillis datur conamen,
Ferre poenas, et juvamen,
Ut ferant audacius.

Responsoria.

1. Solitudinem ingressa
Cogitans a se perpessa

Dolet amarissime,
Poenitentiam acerbam
Contra vitam tam protervam
Assumit viriliter ;
V. Ardenter non territa
Solitaria vita
Constanter perficitur.
2. Felix illa solitudo,

In qua splendet sanctitudo

Tantae poenitentiae,
Ubi Maria mundatur
A peccatis et curatur
Labore penuriae,
V. Recolens vitam pristinam
Quaerit gloriam divinam
Pro obtentu veniae.

3. Nuda sine vestimentis,
Usta a sole et ventis,

Pilosa efficitur,

---

spissa,

Facta ut Aetbiopissa,

Horrida innuitur ;

V. Vitam ducit tam acerbam,
Commedens foenum et herbam
Velut fera pessima.

In 3. Nocturno.

Antiphonae.

1. Supplicamus ergo pia
Tibi, felix o Maria,
Pro nostris criminibus.

2. Fac nos hic sic poenitere,
Ut post mortem promerere
Valeamus gloriam.

3. Ut tecum semper gaudere
Paradisum possidere
Queamus feliciter.

Responsoria.

1. Sciens solutionem,
Suae carnis functionem,

Ut reddat tunc debitum,
Laetanter est consolata,
Ut accipiat oblata,

Sacrum emisit spiritum,
V. Et angeli adfuerunt,
Qui eum deportaverunt
In suum consortium.

2. Senex quoque Zosimas venit,
Inanime corpus invenit,

Flevit amarissime,
Quaerit illud sepelire,
Nequit tamen aperire
Tumulum, ut fodiat ;
V. Leo ferox statim venit
Juvat senem, quem invenit,
Pariter sepeliunt.

3. Jubilas nunc, o Maria,
Cum coelesti hierarchia

In beata patria,
Supplicamus ergo, pia,
Juva viantes in via
Tua prece solita,
V. Ut tecum semper gaudere,
Paradisi possidere
Queamus felicia.

In Laudibus.

Antiphonae.

1. Caritate fervida
Ardenter dilexit
Deum et solicita
Qui eam protexit.
2. Virtualis femina,
A Deo amata,
Exemplum dans domina
Virtute ornata.
3. Tua poenitentia

Exemplum dans cunctis,
Excellis continentia,
Virtutibus multis.
4. Mirabilis domina
Atque benedicta,
Tua poenitentia
Exstinguis delicta.

5. In te laudant, Maria,
Deum omnes sancti,
Angeli dant gloriam
Domino regnanti.

Ad Benedictus.

A. Festivitatem hodie
Celebret ecclesia,

Qua triumphalis Maria

Ab inimicis in via
Obtinet victoriam.

Per Horas Antipbonae.

Ad Primam.

Hora prima orat Deum,
Ut tota die in eum
Ferat sine crimine.

Ad Tertiam.

Hora tertia prostrata,
Exemplo Christi conversa
Preces dat pro omnibus.

Ad Sextam.

Hora sexta sumit cibum

Asperum et poenativum,

Ut det vitam corpori.

Ad Nonam.

Hora nona contemplatur,
Mente rapta memoratur
Totam coeli curiam.

In 2, Vesperis.

Ad Magnificat.

A. Vere felix et beata,
In exemplum conversata,

Vivens virtualiter,
Cui dimissa peccata,
In coelis es coronata

Deum laudans assidue.