Caput IX.

1. Et ascendens in navicula transfretavit, et venit in civitatem. 2. Et ecce optulerunt 0190 ei paralyticum jacentem in lecto. Et videns Jesus fidem illorum, dixit paralytico: Constans esto fili, remissa sunt tibi peccata tua. 3. Quidam autem ex Scribis dixerunt intra se; Hic blasphemat. 4. Et cum vidisset Jesus cogitationes eorum, dixit: Ut quid cogitatis mala in cordibus vestris? 5. Quid est facilius dicere: Dimissa sunt tibi peccata ; aut dicere: Surge, et ambula? 6. Ut sciatis autem, quoniam filius hominis habet potestatem in terram dimittendi peccata, tunc ait paralytico: Surge. tolle lectum 0190 tuum, et vade in domum tuam. 7. Et surrexit, et abiit in domum suam. 8. Hoc viso turbae timuerunt, et honorificaberunt Deum, qui tantam dedit hominibus potestatem. 9. Et, cum transiret inde Jesus, vidit hominem sedentem in taeloneo, Mattheum nomine. Et ait illi: Sequere me. Et surgens secutus 10. est eum. Et factum est recumbente eo in domum, ecce multi publicani, et peccatores venerunt, et recumbebant cum Jesu, et cum discipulis ejus. 11. Et videntes Pharisaei, dicebant discipulis 0192 ejus: Quare Magister vester cum publicanis et peccatoribus manducat? 12. At Jesus audiens, ait: Non est opus sanis medicus, sed male habentibus. 13. Euntes autem discite quid sit: Misericordiam volo, et non sacrificium. Non veni vocare justos, sed peccatores. 14. Et tunc accesserunt ad eum discipuli Johannes, dicentes: Quare nos, et Pharisaei, jejunamus frequenter: discipuli autem tui non jejunant? 15. Et ait illis Jesus: Numquid possunt fili sponsi 0192 jejunare † quandiu cum illis est sponsus? Venient autem dies cum auferetur ab eis sponsus: et tunc jejunabunt in illis diebus. † 16. Nemo autem committit scissuram panni rudis in vestimentum vetus: tollit enim fortitudinem ejus a vestimento, et pejor fit scissura. 17. Neque mittunt vinum novum in utres veteres, alioquin rumpentur utres, et vinum effundetur, et utres peribunt. Sed vinum novum in utres novos mittunt, et ambo servabantur. 18. Haec illo loquente ad eos, ecce 0194 princeps unus accessit nomine Jairus, et adorabat eum, dicens : filia mea modo defuncta est: sed veni, impone manum super eam, et vivet. 19. Et surgens Jesus, sequebatur eum cum discipulis suis. 20. Et ecce mulier, quae sanguinis fluxum habebat XII. annis, accessit retro, et tetigit vestimentum ejus. 21. Dicebat enim intra se: Si tetigero tantum vestimentum ejus, salva ero. 22. Ad ille conversus, videns eam, dixit: Constans esto, filia, fides tua te salvam fecit. Et salva facta est mulier ex illa hora. 23. Et cum venisset Jesus in domum principis, videns tibicines et turbam tumultuantem, dicebat. 24. Recedite. non est enim puella mortua, sed dormit. Et deridebant 25. eum. Et cum ejecta esset turba, venit, † et tenuit manum ejus. Et surrexit puella. 26. Et exit fama haec in universam terram illam. 27. Et transeunte inde Jesu, secuti sunt eum duo caeci, clamantes, et dicentes: Miserere nostri, fili David. 28. Et venit in domum, † et accesserunt ad eum duo † caeci. Et dixit illis Jesus: Creditis quod possum haec facere? Dicunt ei: Utique, Domine. 29. Tunc tetigit oculos eorum, dicens: Secundum fidem vestram contingat 30. vobis. Et aperti sunt oculi 0196 illorum: et comminatus est illis Jesus, dicens: Videte ne quis sciat. 31. Illi autem exeuntes, difamaverunt eum in tota terra illa. 32. Egressis autem illis, ecce optulerunt ei hominem mutum et surdum, et daemonium 33. habentem. Et ejecto daemonio, locutus est mutus, et miratae sunt turbae, dicentes: Numquam taliter apparuit in Istrahel. 34. Pharisaei autem dicebant: In Belzebul rege daemoniorum eicit hic daemones. 35. Et circuibat Jesus civitates omnes et castella, docens in synagogis eorum, et praedicans evangelium 0196 regni, et curans omnem languorem, et omnem infirmitatem: et multi secuti sunt eum. 36. Videns autem turbas, misertus est illis: quod essent vexati, et jacentes sicut oves non habentes pastorem. 37. Tunc dicit discipulis suis: Messis quidem multa, operarii autem pauci. Rogate ergo Dominum messis, ut mittat operarios in messem suam