Acta Apostolicae Sedis - Commentarium Officiale576

TRECEN.

Beatificationis et Canonizationis Servi Dei Aloisii Brisson, Sacerdotis fundatoris

Oblatorum et Oblatarum S. Francisci Salesii (1817-1908)

DECRETUM SUPER VIRTUTIBUS

«Effectus praesentiae vestrae in anima mea iam leniter perspicio. Filii Dei

estis, qui adoptionem meam revocabitis ad rectitudinem, per quos fideliter

iam conclamare possum ''Abba, Pater!''. Et Deum meum non amplius iudicem

tremendum reputabo, sed Patrem erga fratrem caritate plenum et filiis eius

amicum ».

Haec verba Venerabilis Servus Dei Aloisius Brisson meditationi tradebat

prope finem longae vitae suae conscripta, summum et confisum suum divinae

Providentiae propositis obsequium resignans.

Servus Dei die 23 mensis Iunii anno 1817 ortus est Planceii in Gallia, solus

natus e familia solidae traditionis christianae. Pueritiae tempore, institutio-

nem sensim ad disciplinas rationales proclivem recepit, quas, tamquam se-

men, annorum decursu excoluit, sed mox peculiaria signa vocationis ad sa-

cerdotium in eo prodierunt. Dum decimum et quintum aetatis annum agebat,

in Seminarium Minus Trecense receptus est ac postea in Maius, ubi pietatis

vita intellectusque dotibus supereminuit. Die 19 mensis Decembris anno 1840

presbyteratu auctus est. Dein, infirmae quoque valetudinis causa, religionis

scientiarumque naturalium magister nominatus est apud scholam Sororum a

Visitatione et Seminarium et, anno 1843, eaedem religiosae ministerium

etiam cappellani et confessoris communitatis ipsi concrediderunt. Quo mu-

nere quadraginta annos Servus Dei functus est, conversationem spiritualitate

Sancti Francisci Salesii ostendens enutrita, necnon humilitatem, simplicita-

tem urbanitatemque morum heroum modo exercens. Cum res ita se haberent,

Superiorissa monasterii, Mater scilicet Maria Salesia Chappuis, impense eum

sustulit, ut Congregationem sacerdotum fundaret, qui iuxta excellentissimi

Genevensis Episcopi illius spiritualitatem viverent.

Anno 1857, Episcopus Trecensis Servum Dei Consociationi Catholicae

Sancti Francisci Salesii pro fide a grassantibus doctrinis tuenda, quae in illo

tempore omnem transcendentiae notionem respuebant, praefecit. Cum tanti

Instituti moderator esset dioecesanus, plura iniit opera pro iuvenibus mulie-

ribus opitulandis et operariis instituendis, quae innumerae in civitate tunc