55. De ss. Arthemio, Candida, Paulina.

1 a. Hodiernae lux diei

Nobis in hac matris dei
Fulgeat ecclesia ;

1b. Ex affectu laus perennis
Iteretur et sollennis
In excelsis gloria.

2 a. Haec est dies praeoptata
Et a Christo consecrata
In sanctorum sanguine,

2 b. Qui, dum verbis exorcistae-
Credunt, fiunt agonistae
Celso fulti numine.

3 a. Cum Serenus, vir profanus,
Sanctos artat, corde vanus,
Carceris angustia,

3 b. Custos ridet in doctrina,
Quod miratur in Paulinae
Post sanata filia.

4 a. Credit Arthemius,

Coniunx confitetur,
Liberatur filia,
Numerus augetur

Christum confitentium.

4 b. Hos Serenus saeviens
Iubet immolari,
Ruderum congeriem.
Praecipit aptari
In horum exitium.

5 a. Trucidantes tandem tenti
Nec inferre vim tormenti
Sanctis queunt libere;

5 b. Sed peractis [his tormentis]
Relaxantur ; non retentis
Manibus a scelere

6 a. Perimunt Arthemium
Cuspide mucronis,
Quem Deus ad solium
Sacrae visionis

Deduxit sollemniter.

6 b. Candida cum virgine
Saxa pertulerunt,
Et sic fuso sanguine
Regna meruerunt
Caelica feliciter.

7 a. Horum membra trucidata
Huc a Roma sunt delata
Et in ara tumulata
Hac Iustinae virginis.

7 b. Hi pro plebe Placentina

Suffragantur cum Iustina

Et cum virginum regina,

Summi matre numinis.

8. Cui sit laus et gloria ;
Amen dicant omnia.