55. De s. Maria Salome.

In 1. Vesperis.
Ad Magnificat.
A. Alma redemptoris

matris soror, impar honoris,

Mater in orbe decus
matronarumque pudoris,

Virtutis speculum,

via vitae, meta laboris,

Casta pudicitiae

domus ac oblita prioris
Vitae cum gemitu

Christi memorata doloris,
Da famulis requiem,

vita est quia plena moeroris.

Ad Matutinum.

Invitatorium.

'' Christum, Mariae sponsum,
plebs sancta,
venite adoremus.''

In 1. Nocturno.

Antiphonae.

1. Virginei flores,

mater Maria Johannis,
Fac, ne labamur

simul cum labentibus annis.

2. Eja, Maria, vale,

quo nos mediante valemus,
Est Hispania laeta

patrono, quem retinemus.

3. Feminei sexus

ac pondere carnis onusta
Linquit onus, sponsum

sequitur prae conjuge justa.

Responsoria.

1. Solemni festo

Salomae gaudere Mariae
Nos decet in cantu

Nocte, deinde die,
V. Et quod demus ei

laudes dulcis melodiae.

2. Spreto namque viro

Domino tribuit famulatum,
Qui dat et uude bonum

pervenit omne datum,
V. Virtutem famulis

praestet removendo reatum.

3. Mira Dei virtus

facit hoc, quod femina marem
Spernat et amplexus

conjugis apta parem,
V. Cujus eum propriis

rebus et usque larem.

In 2. Nocturno.

Antiphonae.

1. Stella Maria maris

te gaudet habere sororem,
Nominis et generis

retines et matris honorem.

2. Virgo Dei genitrix

una est, quia sola necesse,
Sufficiat mundo

te matrem virginis esse.

3. Nomine quo gaudes,

Christum, Maria, precare,
Nos nil praeter eum
mundo permittat amare.

Responsoria.

1. Mater ut Hispanis

generas dominumque patro-
num.
Fac nos defendat,

praestet et omne bonum,
V. Qui prior in sociis

habuit super aetbera donum.

2. Quae quondam mundi

Domino fuit obsequiosa,
Mira dat in terris

coelo residens speciosa

V. Et super astra nitens
plus redolente rosa.

3. Sancta colenda dies,

praeclaris digna trophaeis
Et cunctis populis,

perversis moesta Judaeis,
Mariani Salomae
possidet aula Dei;
V. Exsultent fidei

cultores, credant Hebraei.

, In 3. Nocturno.

Antiphonae.

1. Es meriti multi,

Domini dum digna sepulti
Angelicos testes

cernis, sudaria, vestes.

2. Ergo resurgentem

velis intercedere Christum,
Cum patre viventem,
populum defendat ut istum.

3. Felix matrona,

nati felicior ortus,
Qui vitae dona
dat, cum sit dux, via, portus.

Responsoria.

1. Mater sancta Dei,

mater certamine plena,
Semper et omnino

populis succurre serena,
V. Supplicat obnixe

tua plebs virtutis egena.

2. Dum natum quaerit,

Boniam venit peregrina,
Fessa quievit eo,
quo fessis est medicina,

V. Et contra fluctus

mundi secura carina.

3. Laudibus immensis

nos omnes urbis et orbis
Mariam Salome

laudemus, quae prece morbi
Cunctis atque malis

tutos vult et facit esse.
V. Virtutis celsae

mater Maria precantes
Conserva cunctos

praeclara filia Jesse.

In Laudibus.

Antiphonae.

1. O felix mater,

o felix femina, plus quam
Femina, quae generas,

quod non corrumpitur us-
quam.

2. Quaelibet in mundo

fructum dat femina luctus,
Maria Salomae
mundo dat gaudia fructus.

3. Fulgurat in radios

solares splendida luna,
Ut nos et mundi
tenebras illuminet una.

4. Et soror et socia

Domini cum matre fuisti,
Cum mortis poenam

cruce sustinuit caro Christi.

5. Pro nobis dominam

sociamque precare sororem,
Ut nos ad regni

coelestis ducat honorem.

Ad Benedictus.

A. O veneranda dies

reverendae matris ab ortu
Solis adusque maris

sua pandat gaudia portu.

In 2. Vesperis.

Ad Magnificat.

A. O Jacobi mater,

fructum dans virginitatis,
Tu pete regna dari
coelestia fonte renatis.