Congregatio de Causis Sanctorum 577

praesertim modernae industriae navitati innisa degebant, ducibus transactis

ipsius Congregationis a Visitatione alumnis, sicut Sancta Leonia Aviat, quae

paulatim Oblatarum Sancti Francisci Salesii initia exseruerunt Instituti,

anno 1890 a Summo Pontifice Leone XIII iure recogniti.

Insequentibus annis, dominus abbas Brisson alicuius Collegii dioecesani

instaurandi accepit mandatum. His in adiunctis tempus comperit Providen-

tiae illud, quod iamdiu ipse opperiebatur ac Mater ipsa Maria Salesia

Chappuis praenuntiaverat venturum. Collegium Sancti Bernardi, vero, est

Congregationis Oblatorum Sancti Francisci Salesii incunabula factum, anno

1887 postremo approbatae.

Alacri ministerio presbyterali Servus Dei eximiam vitam orationis con-

iunxit: Eucharistia, enim, culmen fuit conversationis eius et assiduae cotidia-

naeque gloriae Dei eiusque sanctae voluntatis exquisitionis. In eo primatus

spiritualitatis instar actionis pastoralis fontis et causae constanter emicuit. In

ministerium spiritualis moderationis fidelium animos ad eandem suam intimi-

tatem cum Christo experiendam atque ad eius virtutes imitandas in fidelitate

erga Summum Pontificem universalisque Magisterii praecepta retulit.

Anno 1878, tempus peregrinationis Servi Dei in mundo institit difficilli-

mum multiplices ob dissensiones cum Auctoritate dioecesana, quae haud

parum poenae animo eum excruciaverunt. Numquam autem Pater Brisson

caritatis officio erga Episcopum defuit, semper, etiam pugnacibus in angus-

tiis, se gerens in eum moderatum ac temperantem, parcum ac sincerum.

Opportuna Apostolicae Sedis intercessio concordiam inter Episcopum et Ser-

vum Dei reconciliavit, qui adeo constanti sollicitudine atque intima indul-

gentia usus est, ut Summus Pontifex Leo XIII in audientia eum alloqueretur,

dicens: « Oh, Pater Brisson, vere es homo pacis! ».

In novum vero asperrimum certamen Servus Dei eiusque opera incurre-

runt, cum, primis undevicesimi saeculi a Domini nostri Iesu Christi adventu

annis, leges variae, quas Respublica interdum prodiderat, Congregationes

puerorum iuvenumque institutioni et Verbi Dei praedicationi deditas,

possessionibus earum a Statu proscriptis, dilabi obstrinxerunt. Patres Oblati,

praelecto exsilio, Galliam deseruerunt, ne ad saeculum revocarentur. Domi-

nus abbas Brisson, quamvis sueta animi aequitate voluntati Dei se commen-

daverit, iam senex et viribus impar spirituale auxilium filiis suis in Domino

praestando, secedere maluit in natalem humum Planceium, ubi actuosam

utriusque Congregationis directionis navitatem excepit atque altissimam

vixit intellegentiam Crucis, quam renovata fide in Domino expertus est.