Acta Apostolicae Sedis - Commentarium Officiale578

Summe corpore infractus et morbis laborans, Servus Dei Aloisius die 2

mensis Februarii anno 1908 pie in Domino quievit, antiqui prophetae pietati

illud adiungens « Nunc dimittis servum tuum, Domine, quia viderunt oculi

mei salutare tuum » (cf. Lc 2, 29-30).

Ob celebratam Servi Dei sanctitatis famam, quae iam tempore vitae in

mundo effulserat et post mortem adhuc increvit, die 11 mensis Februarii

anno 1938 apud Curiam Trecensem Beatificationis et Canonizationis Causa

inita est per celebrationem Processus Informativi, qui, interposita belli causa

mora, ad conclusionem pervenit die 15 mensis Decembris anno 1949, cuius

auctoritas et vis iuridica, post Supplementum Processuale a die 8 mensis Iulii

anno 1963 ad diem 13 mensis Ianuarii anno 1964 celebratum, a Congregatio-

ne de Causis Sanctorum Decreto diei 6 mensis Octobris anno 1995 probatae

sunt. Positione confecta, die 25 mensis Novembris anno 2005, iuxta consue-

tudinem, in Congressu Consultorum Theologorum prospero cum exitu discep-

tatum est an Servus Dei more heroum virtutes christianas exercuisset.

Patres Cardinales et Episcopi in Sessionibus Ordinariis diei 2 mensis Oc-

tobris anno 2007 et diei 29 mensis Septembris anno 2009, receptis necessariis

enodationibus ex parte Postulatoris auditaque relatione Excellentissimi Do-

mini Francisci Croci, Episcopi titulo Potentini in Piceno, Causae Ponentis,

professi sunt Servum Dei Aloisium Brisson virtutes theologales, cardinales

iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Aloisii

Brisson, sacerdotis et fundatoris Oblatorum et Oblatarum Sancti Francisci Sa-

lesii, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis