57. De sancto Augustino.

1 a. Sollemnizet cleri schola,
Psallat Christi Domini
familia

1 b. Reputans [nunc] Augustini
Caelestis presbyteri
sollemnia.

2 a. Ipsum mater

mundo carne pariens
Dedit virum

Christo reparturiens
Fletu serente gaudia.

2 b. In plateis

sponsum non inveniens
Est inventus

et inventus transiens
Custodes in ecclesia.

3 a. De auro Arabiae

Deo multum obtulit
Et Aegyptum spolians
vasa secum extulit
Cum aureis argentea.

3 b. Ductilis argentea

tuba castris sonuit,
Cuius Ierichontinos
muros clangor obruit,
Vulpes tulit a vinea.

4 a. Mitigavit
Ista David

Dulci sonans cithara
Corda Saul barbara.

4 b. Inter cunctas
Hic iucundas

Citharas Ierusalem
Sonuit clarissima.

5 a. Caedens libris pluribus
Ramos de. arboribus
Stravit in Christi via.

5 b. In suum cubiculum
Introduxit famulum
Suum philosophia.

6 a. Augustinus
Nullo minus
Alta vidit
Nec invidit
Caelestes terrae
Favos proferre,

Cinxit in mente thalamum
scribens fortia.

6 b. Vir divinus
Ipsos sinus
Coaeterni
Patris verbi
Verbo retexit
Et introspexit

Mentualis acuminis
perspicacia.

7 a. Observavit

vitam apostolicam
Literatim

scripsit et canonicam
Scriptis vincens
antiquorum studia.

7 b. Theologi

Augustini omnia
Nulla clausit

legentis industria.
In bis cunctis

tibi, Christe, gloria ;

8 a. Fac, ducat ad te meritis,
Quos pascit de te monitis
Seraphim consors anima ;

8 b. Quae docuit, da facere,
Quae cernit, tandem cernere,
Festa Sion dulcissima.

9. Per Augustini merita
Nos ad vitam resuscita,
Trinitas sancta.