57. De sancta Marina.

In 1. Vesperis.
Super Psalmos.

A. Margarita

pretiossima
Es, Marina,

virgo sanctissima,
Mundo grata,

Christo carissima,
Pro qua sua

data est anima.
O quam pulchra,

quam prudentissima,
Coelo gaudes,

virgo clarissima.
R. Margaritas superasti,

Bona margarita,
Coelos intrans decorasti

Luce redimita,
Christum sponsum, ut optasti

Contemplaris ita,
Per te, quam tu impetrasti,

Nobis detur vita,
V. Dulci sponso nos commenda,

Ut morte finita.

Ad Magnificat.

A. Margaritae

splendor renituit,
Dum Marinae

virtus emicuit.
Quae dum regi

summo complacuit,
Comparavit

eam et habuit.

Ad Matutinum.
Invitatorium.

Infinita
Laude Christo jubilemus,
Quem de sua collaudemus

Margarita.

In 1. Nocturno.

Antiphonae.

1. Domine, quam mirabilis
Virgo Marina floruit,
Fidelis et laudabilis
Inter iniquos claruit.

2. Coeli enarrant gloriam
Dei potentis Domini,
Qui tot virtutum gratiam
Dedit Marinae virgini.

3. Domini est terra plena
Bonorum multitudine,
Virgo mitis et amoena
Virtutum plenitudine.

Responsoria.

1. Margarita

pulchra, spectabilis
Inter viles

lapillos oritur,
Dum Marina

fidelis, utilis
Infideli

de gente nascitur ;

Laetemur igitur.
V. Ex arenis

sic aurum tollitur,
Et de spinis

rosa colligitur.

2. Pascit oves

simplex agnicula,
Cui lupus

parat obstacula,
Sed hanc servat

inter pericula

Agnus Dei.
V. Bonus pastor

agnam considerat,
Et dum lupus

ad ipsam properat,

Adstat ei.

3. Jam impius Olybrius

Preces cassatas deserit
Et durius et acrius

Puellae poenas ingerit,

Sed comperit
Cor sanctum morte fortius;
V. Verberibus crudelibus

Tenellum corpus atterit,

Si poterit
Tormentis plus quam precibus.

In 2. Nocturno.

Antiphonae.

1. Eructavit cor Marinae

Verbum bonum prudentiae.
Amo, dicens sine fine,
Regem aeternae gloriae.

2. Deus noster, refugium
Tu Marinae fuisti
Et vim et fraudes hostium
Ab ea repulisti.

3. Magnus Dominus

Et nimium laudabilis,
Tibi cominus

Adstitit virgo nobilis.

Responsoria.

1. Margaritae comparata
Suffert virgo verbera,
Mente sursum elevata,
Carne spreta tenera,
Sed mox est post aspera
Dono Christi reparata ;
V. Virgo caesa fustibus,
Inclusa carceribus
Exit rosa renovata.

2. In ferventis olei

Plenum immissa dolium
Virgo plena fidei
Plenum habet remedium
Libertatis,
V. Carni fervor non nocuit,
Qua rigor semper viguit
Castitatis.

3. Laus et honor

sit tibi, Domine,
Qui de salva

natus es virgine
Et existi

de clauso tumulo ;
Ut de piscis

Jonam voragine
Eduxisti

grandi miraculo,

V. Tu Marinam

crucis signaculo
De serpentis
vivam voragine
Eduxisti.

In 3. Nocturno.
Antiphonae.

1. Benedixisti, Domine,
Marinam in periculis,
In cujus fortitudine

Duris non cessit jaculis.
2. Fundamentum veritatis

Hostis tentans subvertere,
Pede tritus castitatis
Marinae, gaudet cedere.

3. Cantate regi supero,
Qui hostem salutifero

Signo crucis destruxit,
Et a serpentis utero
Marinam salvam duxit.

Responsoria.

1. Margaritam

Christi seducere
Temptat hostis

inclusam carcere,
Sed plus Eva

potens resistere
Caput ejus
contrivit hodie
Virgo prudentiae;
V. Virgo fortis

prosternit zabulum,
Caput premit
et frangit oculum
Plenum malitiae.
2. Exspectat ensem

virgo sanguineum,
Orat laeta

sponsum aethereum,
Favet sponsus
ei sidereum

Promittens solium
Et vitae gaudium ;

V. Collum parat

puella niveum,
Caput tollit
lictor virgineum,
Sic virgo bravium
Capit post stadium.

In Laudibus.
Antiphonae.

1. Dominus regnavit,
In cujus potentia
Hostes superavit
Puellae prudentia.
2. Jubilate Deo forti,

Qui Marinae virgini
Dedit, ut resistat morti
Et mundi dulcedini.
3. Deus, Deus meus, laudes
Tibi solvo libenter,
Qui me sponsam tuam gaudes
Salvare tam potenter.

4. Benedicite Domino,

Virgines, sponsae Domini,
Qui vitam sine termino
Marinae praestat virgini.
5. Laudate vitae Dominum,
Omnis coelestis condo,
Qui margaritam virginum
Nostro jungit consortio.

Ad Benedictus.

A. Margarita

martyrum nobilis,
Amor tuus
est inflexibilis
Et invictus,
Per hunc nobis
sit rex placabilis
Benedictus.

In 2. Vesperis.
Ad Magnificat.
A. Margaritis

omnibus pulchrior,

Margarita
Marina pulchrior,
Fides te praedicat,
Per te nobis

sit patientior
Ille summus
regum potentior,
Qui te magnificat.
Alia.
A. Margarita

martyrum splendida,
Pulchra tota,

Te contemplans
gens orat languida
Mente tota
Ut in hostes
per te sit valida
Virtus ejus
Et in regno
coelesti florida
Merces ejus.