Congregatio de Causis Sanctorum 579

INTERAMNEN. - NARNIEN. - AMERINA

Beatificationis et Canonizationis Servi Dei Iunii Tinarelli, Viri Laici sodalis Piae

Unionis Primariae « Silentes a Cruce Operarii » (1912-1956)

DECRETUM SUPER VIRTUTIBUS

«Quisquis Domino omnino sese commendat, amplius nec patitur, nec crucis

sibi commissae amplius percipit pondus, sed quod passiones sapiat gaudet, se

iuxta Iesum affigi cruci laetatur ».

Vivida haec verba a Servo Dei Iunio Tinarelli litteris commissa mirum

eius intellectum gratiae informant, qui salvifico dolori Redemptoris eum

sociavit.

Servus Dei Interamnae in Umbria die 27 mensis Maii anno 1912 ortus est,

tertius ex operariorum familia natus. Ad baptismalem fontem die 2 mensis

Iunii anno 1913 ductus, nomina Iunium Antonium Iosephum recepit. Adules-

centiam degit oratorium iuvenum Sancti Gabrielis a Virgine Perdolente fre-

quentans, ubi humana et spiritualis eximia institutio, qua enutritus est, om-

nes annos eum fulsit. Dominus Iosephus Lombardi, fundator et animator

oratorii, ei fuit feliciter inventus amicus, pater et tristibus in angustiis magis-

ter. In Pentecoste anni 1923 ad eucharisticas dapes accessit et sacramentum

Confirmationis suscepit.

Dum decimum tertium aetatis annum agebat, Iunius operam incepit

exercere primum uti discipulus typographicae artis, dein mechanicae, ac de-

mum apud industrias ferramentarias civitatis suae natalis assumptus est.

Consuetudine aliorum operariorum capta, qui haud infrequenter sensibus

motibusque Ecclesiae infensis pervadebantur, nullo timore retentus iuvenis

Actionis Catholicae socii testimonium simplicitatis morum et difficultatum

consensus praebuit, qui, laborem tamquam gratiam reputans, exemplo suae

conversationis omnes summopere praecipiebat.

Christianae familiae generandae cupidus, viginti unum annos habens cum

iuveni muliere solitus est. Dominus, autem, in reconditis suae voluntatis

aliam viam sanctificationis Servum Dei ambulare disposuit. Nam, prima

signa funesti morbi se ostendere coeperunt, scilicet polyarthritidis anchylo-

ticae seu motuum articulationum totius corporis amissionem provocantis,

quae etenim eum prorsus invalidum reddidit. Post legitimam animi defectio-