Congregatio de Causis Sanctorum 581

Ob sanctitatis famam, quae iam tempore vitae in mundo effulserat et post

mortem adhuc increvit, a die 4 mensis Maii anno 1983 usque ad diem 12

mensis Decembris anno 1988 apud Curiam Interamnensem-Narniensem-

Amerinam Inquisitio dioecesana celebrata est, cuius auctoritas et vis iuridica

a Congregatione de Causis Sanctorum decreto diei 15 mensis Martii anno 1996

probatae sunt. Positione confecta, iuxta suetum morem, die 26 mensis Iunii

anno 2009, in Congressu Peculiari Consultorum Theologorum prospero

cum exitu disceptatum est an Servus Dei more heroum virtutes christianas

exercuisset.

Patres Cardinales et Episcopi in Sessione Ordinaria diei 15 mensis Decem-

bris anno 2009, audita relatione Excellentissimi ac Reverendissimi Domini

Marcelli Semeraro, Episcopi Albanensis, Causae Ponentis, professi sunt Ser-

vum Dei virtutes theologales, cardinales iisque adnexas in modum heroum

coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Iunii

Tinarelli, laici, socii Piae Unionis Primariae Silentium a Cruce Operariorum,

in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis