60. De sancto Auspicio.

1 a. In voce angelica

Psallat plebs Aptensis,
Quia in laetitia
Fulget dies ista
Pro Auspicii gloria.

1 b. Veneremur Dominum,
Caeli plasmatorem,
Qui per suam gratiam
Aptae dedit talem
Auspicium praesulem.

2 a. Cui Clemens pontifex
Commisit regimen
Civium Aptensium,
Quo convertat agmen
Ad Dei magnalia.

2 b. Qui praedicans fortiter
Verbum salutare
Et incessabiliter

Deum laudans vere
Per clara prodigia.

3 a. Pro hoc caput frangitur
Et pes amputatur,
Corpus suum reliquum
Sic vilificatur

Tertullae immania.

3 b. Laetetur haec civitas

De tam grandi dono.,
Cui datur sanitas
Sub tanto patrono
Pellens idolatria.

4 a. Ipsius suffragio

Mereamur iungi

Caeli cum agminibus

Et sic comitari

Prae suscepta gratia.

4 b. Ergo, pater inclite,
Vir Auspici pie,
Plebi tibi subditae
Superum in aede
Vera para gaudia.