61. De sancta Barbara.

1 a. Veni, virgo Barbara,
Pro salute omnium
Ora Dei filium.

1 b. Veni, martyr Barbara,
Mediatrix hominum,
Fer nobis auxilium.

.2 a. Consolatrix optima,
Dulcis confer animae
Mellis refrigerium.

2 b. In labore requies,
Vires ut restituas
Iam deficientium.

3 a. O lux beatissima,

Da, ut baec plebecula
Bonum sumat exitum.

3 b. Sine tuo iuvamine,

Quidquid est in homine,
Non placebit Domino.

4 a. Lava, quod est sordidum,
Dele, quod est noxium,
Pia virgo Barbara.

4b. Flecte, quod est tumidum
Habilita trepidam,
Rege, quod est devium.

5 a. Da tuis supplicibus,
Ut duris cervicibus
Non offendant Dominum.

5 b. Da, ut labes cordium
Abstergantur omnium
Ante nostrum exitum.

6 a. Da, ut tuis precibus
Audiri valebimus
In his nostris vocibus,

6 b. Ut post mortis terminum
Tecum in perpetuum
Simus in solatium.