938 Acta Apostolicæ Sedis - Commentarium Officiale

CONGREGATIO DE CAUSIS SANCTORUM

MEDELLENSIS

Canonizationis Beatae Laurae a Sancta Catharina Senensi (in saeculo: Mariae Laurae Montoya y Upegui) Fundatricis Congregationis Sororum Missionariarum Beatae Mariae Virginis Immaculatae et Sanctae Catharinae Senensis (1874-1949)

DECRETUM SUPER MIRACULO

Beata Laura a Sancta Catharina Senensi (in saec.: Maria Laura a Iesu

Montoya y Upegui) die 26 mensis Maii anno 1874 in vico Iericho in Co-

lombia nata est e familia modestae condicionis et Christiana pietate ac

doctrina integerrime informata. Dum quartum aetatis agebat annum, patris

affectu orbata, avorum custodiae commissa est. Primorum rudimentorum

studiis perfectis, Metellini constitit, ubi magisterii adepta est titulum et

illius officii suscepit cursum. Iam vero ante hoc magistrae munus inceptum

Beata vocationem ad vitam religiosam perceperat et sollicitudinem indige-

nis nativis Colombiae Evangelii nuntiandi. Anno 1908 igitur primum iter

missionarium inivit, post quem ad fidei pervulgandae laborem omni ope

et studio sese statut conferre. A Superioribus praecepta, Congregationem

religiosam Missionariarum Beatae Mariae Virginis Immaculatae et Sanctae

Catharinae Senensis fundavit, cuius prima Superiorissa Generalis electa est.

Promptum habuit adeo Institutum profectum, ut centum amplius domus in

Colombia, Aequatoria et Venetiola brevi aperirentur et multitudo iuvenum

puellarum, ad Beatae verba illa « indigenas nos cum indigenis fieri oportet,

ut ad fidem Christi omnes adiungamus » eidem se consociaret. Mater Laura

in vico Belencito prope Metellium die 21 mensis Octobris anno 1949 pie in

Domine quievit. Summus Pontifex Ioannes Paulus II die 25 mensis Aprilis

anno 2004 ei titulum concessit Beatae.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram Beatae Laurae a Sancta

Catharina Senensi intercessioni tributam ac Metellini mense Ianuario anno

2005 patratam sanationem domini Caroli Eduardi Restrepo Garcés, medici,