63. De sancta Barbara.

1 a. Ave, virgo generosa,
Castitate radiosa,
Deitatis flosculus;

1 b. Ave, candor verae lucis,
Tu nos prece tua ducis
Ad caeli oracula.

2 a. Bonitate illustrata,
Nobili ex stirpe nata,
Ex patre Dioscoro,

2 b. Bella cuius ad culturam
Idolorum monent duram
Ex corde pestigero.

3 a. Christum sponsum maritavit
Et humanum reputavit
Haec felix puellula,

3 b. Cui recti dans amorem,
Nec dilapsa in ardorem
Pura sine macula.

4 a. Deos vanos detestatur,
Dum tyrannus deprecatur
Sacrum ferre idolis.

4 b. Docet laudem creatoris
Claritate sui oris
Huius orbis incolis.

5 a. Erogavit rorem vitae
De supernis datum rite,
Humectantem largiter.

5 b. Evolavit pia avis,
Cuius tuba est suavis
Sonos formans dulciter.

6 a. Fide praestans deitatem
Indivisam trinitatem
Castis colit mentibus.

6 b. Ponte pravo crevit rivus,
Cuius fluxus est dativus
Caelestibus aedibus.

7 a. Gemmae iubar luce reddit,
Dum tormentum corpus caedit
Ad effluxum sanguinis ;

7 b. Graudet orans in agone:
"Miserere, Iesu bone,
Et salvator hominis;

8 a. Hos tuere et defende,
Tuam gratiam impende
Meis gratis vernulis.

8 b. Hac in hora sonuit
Angelus et monuit

Exauditam pro famulis.