Congregatio de Causis Sanctorum 585

Illis institutionis annis, Servus Dei non modo severo intellectuali officio

valde emicuit, sed etiam fervida pro iuvenibus belli causa vagis et derelictis

pastorali navitate. Hac in actuosa diligenti opera erga iuvenes egenos et

afflictos, Iosephus agentem efficacemque spiritum Fundatoris se adumbrare

posse ostendit.

Munerum fastigium, quibus Servus Dei totam vitam functus est, Theolo-

giae dogmaticae magisterium fuit: hic altus potissimusque cardo ipse exstitit

et testis mirabilis Evangelii; in cotidiana vicissitudine vitae virtutem

praestitit, qua officium suum religiosi, presbyteri et magistri profunda ac

benigna suipsius abnegatione servare valuit, numquam otium seu requiem

sibi concedens et consensum rationalis fidei investigationis cum actuosa

theologia iugiter persectans.

Vita Servi Dei ex ardenti quadam mystica intellegentia etiam hausit,

acuta notione de primario Christi ac Matris Dei loco in historia salutis signa-

ta. Omnis eius conversatio constans fuit intentio ad sanctitatem atque ad

exercitium modo heroum omnium christianarum virtutum. Dominus Iose-

phus, enim, omnibus in adiunctis benignum, familiarem et hospitalem se

exhibuit. Licet universali scientia, praesertim theologica, eruditus, humilita-

te, simplicitate et mira morum humanitate insignem se praebuit. Summum

ab ipso traditum praeceptum praesertim in decursu eius ultimi morbi patuit:

nam, die 4 mensis Iunii anno 1960, post aliquot signa aegritudinis, diagnosis

ei patefacta est tumoris granulosi maligni glandularum lymphaticarum. Ser-

vus Dei autem nuntium hoc funestum renovato fidei impetu accepit, qui eum

virtutibus decoris et tranquillitatis animi honestabat, quas per omne acerbae

huius probationis insequens triennium retinuit. Aspera enim infirmitas aequo

vultu et iugi misericordiae Dei fiducia suscepta in eo aditus spiritualis forti-

tudinis, praemii supremi et sacrificii pro necessitate fratrum facta est.

Temporibus quoque recessus in valetudinario, Servus Dei Iosephus

numquam ministerium praeteriit, quin etiam visitabat fovebatque aegrotos

et medicos, infirmorum ministros atque omnes nosocomii servitio addictos

cohortabatur. Receptaculum eius verum consistorium fuit ut ad Evangelium

accederet, consolationem exciperet et remissionem peccatorum adipisci

quaereret.

Dies protinus ante mortem dominus Iosephus pro pulcherrimis faustissi-

misque habuit: exemplo suo testimonium praebuit mortem omnium non esse

finem, sed exspectatum reditum ad Christum. Pace et tranquillitate circum-

fusus, Servus Dei, quadraginta et unum annos natus, die 23 mensis Octobris