64. De sancta Barbara.

1 a. Beata es tu iam dicta,
Quia per patrem adflicta
Trinitatis nomine.

1 b. Arbor es tu deitatis,
Scala summae pietatis,
Qua solvuntur vincula.

2 a. Rosa mirae castitatis,

Per quam porta claritatis
Fit afflicto corpore.

2 b. Bene mente concepisti,
Trinum Deum esse unum
Per tres rimas designans.

3 a. Ambiens trinitatis gloriam
Videre per victoriam
Voto tenes curiam.

3 b. Reis tu in miseria

Succurre nunc prece pia
Apud tuum Dominum.

4 a. Ad ianuam tu gratiae
Per palmamque victoriae
Conduc tuos athletas.

4 b. Memento, quaesumus, nostri,
Dum solvitur sera morti,
Dans perenne gaudium.