Acta Apostolicae Sedis - Commentarium Officiale586

anno 1923, Augustae Taurinorum pie in Domino quievit. Quae conscia mise-

ricordiae Dei fiducia vixit, et in cordibus multorum firmam persuasionem

eum plenae ac perfectae sequelae Evangelii fuisse testem mors reliquit.

Hanc ob sanctitatis famam a die 21 mensis Ianuarii anno 1991 usque ad

diem 10 mensis Novembris anno 1993 apud Curiam Taurinensem Inquisitio

dioecesana principalis et a die 2 mensis Octobris anno 1991 ad diem 18 mensis

Iulii anno 1992 apud Vicariatum Urbis Inquisitio Rogatorialis celebratae

sunt, quarum auctoritas et vis iuridica a Congregatione de Causis Sanctorum

decreto diei 24 mensis Iunii anno 1994 probatae sunt. Positione ex more

confecta, die 5 mensis Iunii anno 2009, in Congressu Peculiari

Consultorum Theologorum prospero cum exitu disceptatum est an Servus

Dei more heroum virtutes christianas exercuisset.

Patres Cardinales et Episcopi in Sessione Ordinaria diei 1 mensis Decem-

bris anno 2009, audita relatione Excellentissimi ac Reverendissimi Domini

Hieronymi Grillo, Episcopi emeriti Centumcellarum-Tarquiniensis, Causae

Ponentis, professi sunt Servum Dei virtutes theologales, cardinales iisque

adnexas heroum modo coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Iosephi

Quadrio, sacerdotis professi e Societate Sancti Francisci Salesiii, in casu et ad

effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis