65. De sancta Barbara.

1 a. Salve, rosa martyrum,
Castitatis Ulium,
Sancta Barbara;

1 b. Per quam fons laetitiae
Ortus est ecclesiae,
Sancta Barbara.

2 a. Laude digna angelorum,
Reparatrix peccatorum,
Sancta Barbara.

2 b. Spes reorum, pes lapsorum,
Laetitia beatorum,
Sancta Barbara.

3 a. Pater tuus te
nobilitavit,
Dum in celsa turri
te collocavit,
Sancta Barbara.

3 b. Te paganismus
maestificavit,
Te paraclitus
irroravit,

Sancta Barbara.

4 a. O gloria,
O gaudium,

Dum credidisti altissimi
unigenitum,

Sancta Barbara)

4 b. O vernula,
O, Dominum

Propitium fac nobis semper
Dei filium,

Sancta Barbara.

5 a. Tuam gladius

pertransivit, animam,
Dum te pater furens
compulit, ut coleres
idolatriam,

Sancta Barbara.

5 b. Vincula, ungulae

blasphemiae, mallei,
Ardentes lampades
mammae te, sponsam Cbristi,
molestaverunt,

Sancta Barbara.

6 a. O laetitia !

O triumphat, en, filia
Aeterni regis
adamatrix,

Sancta Barbara.

6 b. O regina !

O, regnat, vincit, imperat
Non moriturus
tuus amator,

Sancta Barbara.

7 a. Nunc inter choros

angelorum exaltata

A Deo, paranympha,
caelo regnas

Caelesti gloria

Circumdata,

Sancta Barbara.

7 b. Nostri memor esto,
virgo dilectissima,

De bac miseria
tuos exsules

Reduc ad aeterna

Tabernacla,
Sancta Barbara.

8. O virgo, o stellula,
O martyr, o praeclara
Sancta Barbara.