65. De sancto Severo.

In 1. Vesperis.

Ad Magnificat.

A. Impius, ecce, venit

furiata mente satelles,

Sanguineam clavo

dextra oneratus erat,

Qui rasi capitis

mucronem in vertice sistens

Percussum calvae

nexibus intus agit.

Ad Matutinum.

Invitatorium.

Laetemur hodie

sanctum colentes Severum,

Qui trophaeum gloriae

victor promeruit verum.

In 1. Nocturno.

Antiphonae.

1. Mane fuit, patria

cum clam secessit ab urbe,

Hostilis fugiens,

quo licet usque, minas.

2. Vix medium complerat iter,

cum forte serentem

Cernit Emiterium

culta per arva fabas.

3. Qui quasi Christicolam et

Christo cognovit amicum,

Sic coepit dicta

rite salute loqui:

Responsoria.

1. Non fragiles rerum

gazas perituraque regna,

Non famam aut vanas

legit honoris opes,

Sed rata praeponens

dubiis, aeterna caducis

V. Contempto ad coelum

vertitur orbe polum.

2. Quae mora te nobis

fecit, pater optime, lentum,

Siste pedem, in cassum

nunc labor omnis erit,

Occubuit morbi

victus gravitate maligni,

V. Qui modo te summa

voce rogabat opem.

3. Quem simul adstantes

redivivum surgere cernunt

Atque iterum sueto

crura movere gradu,

Scitantur, quali

venerit regione, receptum,

V. Et quo nunc rediens

ire pararet iter.

In 2. Nocturno.

Antiphonae.

1. An nescis venisse lupum,

qui gutture sicco

Et nos et nostrum

saevus ovile voret?

2. Die, me hac transisse,

dares cum semina sulcis,

Proscindens duri

pinguia terga soli.

3. Me quoque die divi

sedes Cucuphatis adisse

Quodque ibi reperient,

cum mea fata petent.

Responsoria.

1. Tempore constiterat

cum forte Severus eodem

Lanicii exigua

pressus ab arte domi

Adpellansque suam

uxorem his vocibus iniit:

V. Si placet, indicii

signa videbo novi.

2. Tunc nive candidior

de coelo missa repente

Pauperis in medio

vertice sistit avis,

Ipse autem trepida

volucrem depellere dextra,

V. Tandem huc, unde fuit

saepe fugata, venit.

3. Sicut erat cathedrae

insidens altaria juxta

Et manibus sceptrum

pontificale tenens,

Longius egreditur

membrorum mole relicta

V. Atque alio penetrans

spiritus egit iter.

In 3. Nocturno.

Antiphonae.

1. At ferus Augusti

tam foeda ad facta minister

Et rabie et dirae

caedis amore furit.

2. Ut primum audivit,

sanctum excessisse Severam,

Vix animi compos,

vix sibi notus erat.

3. Imperat huc omnes saevo

facto agmine turbae

Lictores subito

carnificesque sequi.

Responsoria.

1. Gemmifera quidam

redimitus tempora mitra

Funereo praesul

visus adesse thoro,

Decebat sanctum

lugubris pompa Severum,

V. Nempe quod intuitu

numinis instar erat.

2. Heraclianus enim,

cui sacrilegia ritus

Atque Pisaurensis

cessit ovilis apex,

Laeta sub hoc legit

frugalis pascua campi

V. Et niveus nivei

pars fuit ille gregis.

3. Novit enim, Christi

faceret dum publica sacra,

Sacra, quibus nomen

hostica missa dedit,

Jam prope crudelis

legatum Caesaris esse,

V. Qui ferat immeritis

proelia Christicolis.

In Laudibus.

Antipbonae.

1. Quem petitis tanto

gladiis vinclisque tumultu,

Aut quae solliciti

causa laboris adest?

2. Turbato reddant

illi cui talia vultu,

Nec caruere truci

verba superba sono:

3. Pontificem meritae

vestram deposcimus irac,

Non fugiet longas

Caesaris illemanus.

4. Quis hoc se ostendens

pastor bonus ordine fatur:

Adsum ego, si spolium

quaeritis esse meum.

5. Namque ego pro Christi

sum religione paratus,

Supplicium et mortis

spicula quaeque pati.

Ad Benedictus.

A. Ergo ubi scrutantur

luctus scelerumque ministri,

Fecerit an illa

parte Severus iter,

Dixit Emiterius,

quod ea transiverit hora,

Qua tunc florentes

severit ipe fabas.

In 2. Vesperis.

R. O mulier, quae te

reddidit mihi causa moles-

tam,

Cur genitae non das

obsequiosa locum,

Suscipe, quod gravida

gestaras pignus in alvo,

V. Et noli imperio

durior esse meo.