Congregatio de Causis Sanctorum 941

cives firmiter inimicorum postulata aspernati essent, hostes Hydruntum omnibus machinamentorum generibus - erant ex his quae dicuntur bom- bardae - invaserunt et die 12 mensis Augusti expugnatum depraedaverunt atque Stephanum Archiepiscopum, canonicorum capitulum permultosque presbyteros et christifideles in ecclesia cathedrali congregatos, interfece- runt. Consequenti die, dux Othomanorum iussit omnes pueros et viros, fere octingentos, qui tantae vastationi superfuissent et decimum sextum aetatis annum saltem acti essent, a fide Christi desciscere. Repentinum autem promptumque professus est omnium nomine responsum Antonius Primaldus, humilis textrinae artis opifex, dicens se et omnes mori malle quam Christi fidem abiurare. Ad haec praesentaneum secutum est extre- mum supplicium per capitis obtruncationem vel quibusdam in casibus per totius corporis discerptionem. In annum circiter cadavera in loco excidii insepulta iacuerunt, sed anno 1481 exuviae sive in ecclesiam cathedralem Hydruntinam translatae sive Neapolim advectae sunt, quae tunc temporis urbs princeps erat Regni. Qui Christi testes tamquam martyres extemplo habiti et constanter a populo Dei celebrati sunt atque Ecclesia Hydruntina die 14 mensis Augusti eorum quotannis devote recolit memoriam Decretum confirmationis cultus ab immemorabili Martyribus Hydruntinis consecrati die 14 mensis Decembris anno 1771 prolatum est.

Apud Curiam Archiepiscopalem Hydruntinam Inquisitio dioecesana su- per martyrium supradictorum Beatorum nuperrime celebrata est et sedu- lissimae indagines de eorundem passione adeo pertractatae sunt, ut post Congressum Peculiarium Consultorum Historicorum et Theologorum, nec- non Sessionis Ordinariae Patrum Cardinalium et Episcoporum propitium votum de veritate martyrii in odium fidei inhibiti, Summus Pontifex Bene- dictus Papa XVI, die 6 mensis Iulii anno 2007, Decretum super martyrio publici fieri iuris iuberet.

Canonizationis respectu, Causae Postulatio iudicio huius Congregatio- nis de Causis Sanctorum assertam subiecit miram Beatorum Martyrum Hydruntinorum intercessioni tributam sanationem Sororis Franciscae (in saeculo: Caeciliae) Levote, quae gravi carcinomate correpta erat. Religiosa, quae monialis erat ex Ordine Clarissarum in vico Soleto prope Hydruntum, cum quinquagesimum primum aetatis annum agebat, doloribus et molestiis in imo abdomine cepit excruciari, quibus etiam acriora post quadriennium accesserunt nova signa, assiduae scilicet vertigines, visio obnubilata, spec-

tanda et aspere dolenda abdominis conflatio, copiosa sanguinis et ponde-