66. De sancta Thecla.

In 1. Vesperis.
Ad Magnificat.

A. Virgo Dei Thecla,

claris natalibus orta,
Quae martyr Christi

post Christum prima fuisti,
Docti nam Pauli

vitam secuta magistri,
Nos jungas Christo,

mundo qui vivimus isto.

Ad Matutinum.

Invitatorum.

Laudes cantemus,

en regnat Thecla, venite.

In 1. Nocturno.

Antiphonae.

1. Ista dies praesens

est Theclae dedita laudi.

2. Virgo Thecla, tibi

psallentibus auxiliare.

3. A Domino pacem

promissam, fac, habeamus.

Responsum.

1. Thecla colit Christum
diro regnante Nerone,
Pauli dicta sequens
mundum sponsumque reli-
quit ;
V. Laudetur Dominus,

qui Theclam clarificavit.

2. Mater turbata

natam turbare volebat,
Virgo Dei Thecla

constans et firma manebat,
V. Gratia mira Dei,

quae mire sic operatur.

3. Mater non potuit

sanctam seducere natam,
Implorat, mater,

ut judex deleat illam,
V. Thecla manet iortis

ut Christi firma columna.

In 2. Nocturno.

Antiphonae.

1. Sancta Dei Thecla,

fac, ut scandamus ad astra.

2. Nostra sisque Dei

mediatrix, o bona martyr.
3. Moribus et genere

tu fulges, Thecla beata.

Responsoria.

1. Judex absque mora

succendi praecipit ignem,
Virgo Dei sancta

gaudens intravit in ignem,

V. Virgo secura

de Christo nil dubitabat.

2. Nutu divino

cessavit flamma repente,
Fulta Deo martyr

illaesa remansit in igne,
V. Sic Deus omnipotens,

sic donat vincere sanctis.

3. O pia virgo, poli

regi sociata potenti,
Quae pompam mundi

fugiens thalamumque Tamiri
Sprevisti, Thecla,

Pauli documenta secuta,
V. Funde preces Christo

pro nobis, inclita virgo.

In 3. Nocturno.

Antiphonae.

1. Thecla, Dei miles,

fac, plebs tua sit bona miles.

2. Martyr, tu noster

clipeus, tu lancea nostra,

3. Victrix poenarum,

da nobis vincere mundum.

Responsoria.

1. Grandes serpentes,

ursus pariterque leones

Immittunt in eam,
quo possint dilaniare,
V. Sed Deus omnipotens

compescuit ora ferarum.
2. Tauris indomitis

judex fecit ut religetur,
Dirupti funes

et vincla fuere soluta,
V. Tauri discurrunt

a flammis instimulati.
3. Miris proconsul

prospectis virginis almac
Theclae compatitur.

compunctus conlacrimatur ;
Inquirit dicens:

quid credis, quae tua secta ?
Subjaceo Christo,

respondit virgo beata.
V. Est mea spes Christus,

dux, lux protectio fortis,
Hic facit, ut magna

frangantur et infima crescant.

Verbeta.

1. Sub Nerone, diro rege,
Passa est martyrium
Thecla virgo, Pauli lege
Dei credens filium.
2. Per quem fuit liberata
A ferarum dentibus
Neque fuit superata
Diris cruciatibus.
3. Ursos, serpentes, leones
Domini auxilio
Vicit et regis sermones
Divino consilio.

4. Ergo nobis para, Thecla,
Summi regis filia,
Festa per aeterna saecla
In coelesti curia.

In Laudibus.

Antiphonae.

1. Judex in sanctam

non plus furit, immo relaxat.

2. Vestimenta sua

jam reddi praecipit illi.
3. Judex deflebat,

orat pro judice Thecla.
4. Gaudet Triphena,

gaudent cunctae mulieres.
5. Multos exemplo

bona martyr clarificavit.

Ad Benedictus.

A. Virgo Deo plena,

tu dux, tu nostra lucerna,

Tu nos clarifica,
tu conduc, o bona Thecla.

In 2. Vesperis.

R. Est virgo Thecla

dirae religata leaenae,
Dante Deo Theclae
blanditur dira leaena;

V. Jam solito more

fortis constansque remansit.