Acta Apostolicae Sedis - Commentarium Officiale588

ventilationi subici iusserunt, sed, cum post secationem chirurgicam in

extremis deliberatam res pessime se haberent, desperata ab omnibus fe-

mina existimata est. Cor enim, quod cessaverat micare, ne post secationem

quidem suo munere denuo functum est.

In his aerumnis, nonnulli fideles, neque solum ii, qui cognationis vinculo

essent d.nae Mariae Gratiae devincti, verum etiam amici familiaresque devo-

to amore ducti a Domino postulaverunt, ut, beata Iulia Salzano intercedente,

sanationis gratiam dilectae illi aegrotae concederet. Cum enim in paroecia

soleret Maria Gratia catechesim tradere, ad Beatam illam, quam propter

ardorem apostolicum « catechistarum matrem » appellant, confugiendum esse

pii fideles duxerunt. Paucis autem post diebus Maria Gratia in salutem visa

est redire, neque illa modo e comatis sopore expergefacta est, verum etiam,

ratione quidem inexplicabili, perinde quolibet neurologico defectu atque

vulnerum vestigiis carebat, quae in hominibus graviter sauciatis permanere

solent. Brevi autem e valetudinario dimissa est. Ut dilucide apparet, tempo-

rum convenientia atque nexus intercedit inter invocationem Beatae Iuliae et

Mariae Gratiae sanationem, quae nunc optime valet et omnia, quae in

omnium dierum vita ac relationibus fiunt, recte compositeque peragit.

De hac prodigiali, quam contendunt, sanatione apud Curiam Archidioe-

cesanam Neapolitanam diebus a 21 mensis Iunii ad 21 mensis Decembris anni

2007 Inquisitio dioecesana celebrata est, cuius vim ad normam iuris haec

Congregatio Decreto die 11 mensis Ianuarii 2008 lato agnovit. Consilium

Medicorum a Dicasterio constitutum, in sessione die 28 mensis Maii 2009

habita, declaravit sanationem fuisse subitaneam, plenam, mansuram, inex-

plicabilemque iuxta cognitiones, quibus nunc Medici pollent. Die 15 mensis

Septembris 2009 Congressus Peculiaris Consultorum Theologorum celebratus

est, quorum responsum affirmativum die 1 mensis Decembris anni 2009

Patres Cardinales et Episcopi in Sessione Ordinaria congregati confirmave-

runt, Causae Ponente Exc.mo D.no Laurentio Chiarinelli, Episcopo Viter-

biensi. Et in utroque, Consultorum et Cardinalium Episcoporumque, Coetu,

posito dubio, an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Beatae Iuliae Salzano, Fundatricis Congregationis Sororum Doctrinae Christia-