942 Acta Apostolicæ Sedis - Commentarium Officiale

ris amissio. Aegrota in valetudinario Galatinae recepta, ex inspectionibus

maligni tumoris congeries magna ei agnota est, quae usque in verisimile

laevi ovarii damnum proficere videbatur: prognosis igitur omnino dicebatur

infausta et non magis quam octo menses reliquum tempus vitae. Chirurgica

etiam sectio, cui medici eam commiserunt, minime saevas eius aerumnas

dissolvere valuit. Aliis ergo aegrota subiecta est curis, quae Ianuae variis

in nosocomiis pro peculiaribus medicamentis propriis ministrandis recepta

est, nullo autem adepto profectu: prognosis quoad vitam infausta dicta est.

Novas porro curas recepit, quae autem nihil valetudini profecerunt.

Quoad cubuit infirma, Francisca una cum Sororibus sociis aliisque chris-

tifidelibus ad divinum confugere statuit auxilium per Beatorum Martyrum

Hydruntinorum intercessionem, quos instanter invocavit, ac tempore prae-

sertim ianuensis eius recepti urna quaedam eorundem continens reliquias

ad monasterium Soleti pervecta est occasione peregrinationis dioecesanae

in D anniversario martyrii et super lectum infirmae collocata. Mense Maii

anno 1980, medicis admodum obstupescentibus, adeo aegrota nullum amplius

aegritudinis ostendit signum, ut, alio transacto mense, apud communitatem

suam sanata recipi posset. Clinicae perscrutationes, quae dein secutae sunt,

omnino fausta fuerunt eiusque completam recognoverunt sanationem.

Clarissime continuatio temporis patuit, sicut et nexus inter invocationem

Venerabilium Servorum Dei et sanationem Sororis Franciscae Levote, quae

exinde optima gavisa est valetudine normalesque vitae consuetudines gerit.

De hac mira habita sanatione apud Tribunal Curiae Archiepiscopalis

Hydruntinae a die 27 mensis Iulii anno 2010 ad diem 16 mensis Aprilis anno

2011 Inquisitio dioecesana celebrata est, cuius auctoritas et vis iuridica a

Congregatione de Causis Sanctorum Decreto diei 27 mensis Maii anno 2011

probatae sunt. Acta dein collecta examini et iudicio Dicasterii Medicorum

Collegium subiecta sunt, quod in Sessione diei 28 mensis Iunii anno 2012

sanationem rapidam, completam, duraturam et inexplicabilem secundum

hodiernam scientiam medicam fuisse affirmavit. Die 22 mensis Septembris

anno 2012, Congressus Peculiaris Consultorum Theologorum prospero cum

exitu factus est ac, die 11 mensis Decembris eiusdem anni, Sessio Ordinaria

Patrum Cardinalium et Episcoporum, cui egomet ipse Angelus Cardinalis

Amato praefui. Et in utroque coetu sive Consultomm sive Cardinalium et

Episcoporum, posito dubio an de miraculo divinitus patrato constaret, re-

sponsum affirmativum prolatum est.