Congregatio de Causis Sanctorum 589

nae Institutricum a S. Corde, videlicet de celeri, perfecta atque constanti sana-

tione dominae Mariae Gratiae Pelliccia a « gravissimo politrauma toraco-addo-

minale, con rottura intempestiva sottoavventiziale della aorta toracica intraope-

ratoria, per pseudo-aneurisma post-traumatico, con emorragia massiva e

gravissima ipotensione arteriosa inferiore a 40 mmHg e conseguente arresto

cardiaco della durata di 20 minuti ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

ROMANA

Beatificationis et Canonizationis Servi Dei Ioannis Pauli II (Caroli Wojtyła)

Summi Pontificis (1920-2005)

DECRETUM SUPER VIRTUTIBUS

«Ego sum vitis vera, vos palmites. Qui manet in me et ego in eo, hic fert

fructum multum » (Gv 15, 1. 5).

Verba haec Iesu in Sancti Ioannis Evangelio relata, personam Servi Dei

Ioannis Pauli II peculiarem in modum perstringunt. Vox « fructus » nobis

exhibet sanctitatem vitae semper fidelis Dei voluntati eiusdemque amori.

Haec enim fidei caritatisque firmitas integram Servi Dei vitam collustrat.

Servus Dei Carolus Iosephus Wojtyła die 18 mensis Maii anno 1920

in urbe v. d. Wadowice in Polonia e familia solidis humanis christianisque

praeceptis penitus informata natus est. Praecox mors matris maiorisque fra-

tris profunde animum pueri affecit, qui autem firma et sincera fide fervidae

pietati navitatique religiosae innixa suffultus, aequo animo tanta tristia obire

valuit.