68. De sancta Barbara.

1 a. Egregia sponsa Christi,
Carnem, mundum quae vicisti,
Orta, virgo Barbara,

1b. Ut de spina prodit rosa,
Medicina dulcorosa
Ex herba fit amara.

2 a. Vere luce gemma nitens,
De tenebris sidus lucens,
De gentili sanguine

2 b. Orta, virgo speciosa,
Virtutibus pretiosa,
Omni absque crimine.

3 a. Pater eam occultavit,
Alta turri collocavit,
Ne Christum agnosceret ;

3 b. Rore caeli imber stillat,
Membra cordis refocillat,
Quod baptismum posceret.

4 a. Rex audiens postulare
Sibi coepit, demonstrare
Pulcherrimam faciem;

4 b. Parens eius Dioscorus,

Regis satrapa decorus,

Mutat vultus aciem.

5 a. Quam mox Christusulceravit,
Dioscorus se turbavit,
Hanc decollans acriter;

5 b. Felix virgo es cum rege,
Postularis, tu nos rege
Servos sanans iugiter.