69. De sancta Bartara.

1 a. Psallat chorus laetabundo
Ore, voce, corde mundo
Laudes sacrae virgini,

1 b. Quam ditavit, quam amavit
Deus, ipsam quando lavit
Cruore sui filii.

2 a. Hanc attraxit, hanc allexit
Virtus summi, dum invexit
Eius divo spiritui,

2 b. Ut futaret mundum istum
Propter sponsum suum
Christum
Atque pompas saeculi

3 a. Aboleret ac doleret
Profanos deos, coleret
Quos pater Dioscorus.

3 b. Inclinata virgo mente
Christo paret sic repente
Mores colens caelitus.

4 a. Turri vultus elegantiam
Ob fidei constantiam
Pater quam iucluserat,

4 b. Deos vanos detestavit
Et ipsos annihilavit,
Quos pater coluerat.

5 a. Pater eius fervens ira
Ipsam poena punit dira,
Sanctam, sacram virginem ;

5 b. Qui post longam sic torturam
Virginalemque pressuram
Suum vibrans mucronem,

6 a. Ipsi caput amputare

Volens, Christum deprecare
Coepit haec sancta prece.

6 b. Qui mox montem hanciniecit,
Ubi sancta hoc effecit,
Ut mutentur propere

7 a. Oves sui proditoris ;

Quam tunc capit in his oris
Pater plenus scelere.

7 b. Cuius caput amputavit
Sua manu et sic lavit
In sanguinis flumine.

8 a. Virgo sancta tu nos munda
A peccatis et iucunda
Corda fac et corpora,

8 b. Ut consortes creatori
Nostro laudes salvatori
Reddamus per saecula.