Congregatio de Causis Sanctorum 591

radicitus constitutam, exemplo Christi compulsus, pro bono populi sibi com-

missi omnino sese tradidit.

Paulo VI e vita erepto et post brevem pontificatum Ioannis Pauli

Papae I, Servus Dei ad Petri Sedem die 16 mensis Octobris anno 1978 electus

est. Qui dies initium exstitit pontificatus peculiari ministerio intensi ob

innumeras peregrinationes et frequentem dialogum, simul significantioribus

gestibus, compluribus inceptis propheticis praeceptisque magisterii.

Servi Dei pontificatus exordia iam iamque aerumnae vexaverunt. Die 13

mensis Maii anno 1981, enim, graviter in insidiis vulneratus est. Quod autem

acerrimum discrimen adeo mira animi oppetiit fortitudine, ut oculis omnium,

etiam fide carentium, verus ipse videretur ductor, qui Ecclesiam atque

humanitatem in tertium millennium perducet instans praecipuas fidei, spei

et caritatis virtutes.

Per diutinum Pontificatum profundo spiritu fidei circumfusum aperte se

ostendit, quo omnibus in consiliis ineundis, tam in minimis cotidianis actio-

nibus quam summis in decretis ad ministerium Petrinum attinentibus, duc-

tus est. Universa eius terrestris exsistentia, filiali pietate erga Sanctissimam

Virginem insignita, caritatem absolutam in Christum illustravit, necnon

Evangelii praepollens testimonium quibus pulchritudinem et laetitiam fidei

christianae in lucem protulit. Eius exemplum sequentes multi viri mulieres-

que ad Dominum convertuntur et ad fidem propius accedunt.

Extraordinariam Servus Dei audaciam et fortitudinem quoque exhibuit,

praesertim in multis controversiis et discriminibus gerendis. In animo eius

percipi possunt spiritus orationis constans, ingens amor erga Eucharisticam

cotidianam celebrationem, caritas erga proximum vere heroum modo et uni-

versaliter exercita, necnon vigil ingenium sublevandi innumeras universae

humanitatis tribulationes. Semper excellenti modo promptum ac munificum

se praebuit.

Hic Dei Servus extremis vitae annis adversa valetudine est afflictus: iam

senio confectus et corporis viribus infractus, usque ad extremum ministerium

exercuit, universo orbi verum catecheseos compassionis tradens specimen,

quam pro Christi et Ecclesiae amore vixit et obtulit. Testimonium perhibi-

tum tempore praesertim lugendae infirmitatis ubique per terrarum orbem

famam diffusam excitavit eius sanctitatis.

Ad domum Patris Servus Dei rediit die 2 mensis Aprilis anno 2005,

sanctitatis fama unanimiter circumfusus.