70. De sancta Barbara.

1 a. Mater alma, perge trino
Numini psallens honorem
Rite debitum dare,

1b. Martyrem colens decoram
Virginem lauda ; colenda
Laude grata est Barbara.

2 a. Illa caecis e tenebris
Editum lumen refulget
Sole puro clarius ;

2 b. Flos velut rosae nitentis
E rubo fragrans, parente
Nata surgit impio.

3 a. Fonte nam simul salubri
Prodiit, scelus parentis
Pertinacis horruit.

3 b. Pura flagravit pudico

Igne, sponsi amore castum
Pectus arsit intimo.

4 a. Concupivit rex decorem
Et tenellae vim puellae
Addidit mirabilem.

4 b. Caesa flagris vel capillis
Rapta flavis vel papillis
Nuda sectis ambulet ;

5 a. Caesa perfert, nec manentem
Vultus instantis tyranni
Virginem minax quatit.

5 b. Quin manu caput paterna
Amputante non retractat
O
ed Iesum invocat.

6 a. Filia sic usque serpens,
Eva quo decepta mater
Concidit, fractus iacet.

6 b. Ergo nunc nitente palma
Floret insignis corona
Sempiternae gloriae.

7. O beata virgo, martyr,

Sponsa Christi, fac, precamur,

Te precante ut haec Deo sint

Grata, quae fiunt sacra.